सुष्मा तास्कन्द जान पाइनन्
काठमाडौँ — उज्वेकिस्तानको तास्कन्दमा हुने एएसबीसी यू–२२ पुरुष तथा महिला बक्सिङ च्याम्पियनसिपमा नेपालको सहभागिता नहुने भएको छ ।
छनोट भएकी एकमात्र महिला खेलाडी सुष्मा तामाङ (४८ केजी) को उडानपूर्व मंगलबार राति पीसीआर परीक्षणमा कोभिड–१९ पोजेटिभ रिपोर्ट आएकाले उनी जान पाइनन् । त्यसकारण नेपालको सहभागिता नहुने भएको नेपाल बक्सिङ संघले बुधबार विज्ञप्तिमार्फत जनाएको छ ।
संघका अनुसार खेलाडी सुष्माको स्वास्थ्य अवस्था सामान्य रहेको छ । स्पर्धा जनवरीमा २० मा सुरु हुने थियो ।
प्रकाशित : माघ ६, २०७८ ०७:२१