अस्ट्रेलियाद्वारा दोस्रो पटक जोकोभिचको भिसा रद्द- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

अस्ट्रेलियाद्वारा दोस्रो पटक जोकोभिचको भिसा रद्द

कान्तिपुर संवाददाता

काठमाडौँ — अस्ट्रेलिया सरकारले दोस्रो पटक टेनिस स्टार नोभाक जोकोभिचको भिसा रद्द गरेको छ । आप्रवासन मन्त्री एलेक्स हकले व्यक्तिगत अधिकार प्रयोग गर्दै जोकोभिचको भिसा रद्द गर्ने निर्णय गरेका हुन् ।

तस्बिर : रोयटर्स

मन्त्री हकको निर्णयसँगै सोमबारदेखि सुरु हुने १०औं अस्ट्रेलियन ओपन टेनिसमा सहभागी नहुने सम्भावना बढेको छ । यदि जोकोभिच मन्त्रीको निर्णयविरुद्ध अदालत गएनन् भने उनले तुरुन्तै अस्ट्रेलिया छोड्नुपर्नेछ । जोकोभिचले कोरोना भाइरसविरुद्धको खोप नलगाएको बताइएको छ ।

मन्त्री हकले आप्रवास ऐनको धारा १३३सी(३) बमोजिम स्वास्थ्यमा आधार रहेर जोकोभिचको भिसा रद्द गरेको बताएका छन् । यसअघि जनवरी १० मा संघीय अदालतले जोकोभिचको भिसा रद्द गर्ने सरकारको निर्णय खारेज गरेको थियो ।

मन्त्री हकले अस्ट्रेलियन बोर्डर फोर्स र जोकोभिचले उपलब्ध गराएको सूचनाका आधारमा निर्णय लिएको दाबी गरेका छन् ।

सम्बन्धित समाचार

जोकोभिचको भिसा रद्द गर्ने सरकारको निर्णय अस्ट्रेलियाली अदालतले उल्टायो

प्रकाशित : पुस ३०, २०७८ १३:२७
प्रतिक्रिया
पठाउनुहोस्

बुटवलमा निर्माणाधीन भवनमा आगलागी

अमृता अनमोल

बुटवल — शुक्रबार एक क्लबको निर्माणाधीन भवनमा आगलागी भएको छ ।

बुटवल उपमहानगरपालिका–९ को सिद्धार्थ कटेज नजिकै 'प्लान बी डान्स क्लब'को बन्दै गरेको भवनमा दिउँसो साढे १२ बजेदेखि आगलागी भएको हो ।

आगो के कारणले लागेको हो भन्नेबारे पुष्टि हुन नसकेको इलाका प्रहरी कार्यालय बुटवलका प्रहरी प्रमुख ठगबहादुर केसीले बताए । आगो नियन्त्रणका लागि अहिले बुटवल उपमहानगरपालिको दमकल प्रयोग भइरहेको छ । तिलोत्तमा, देवदह र सैनामैनाका दमकल पनि आउँदै गरेको प्रहरीले जनाएको छ ।

प्रकाशित : पुस ३०, २०७८ १३:२६
पूरा पढ्नुहोस्
प्रतिक्रिया
पठाउनुहोस्
×