'ए' डिभिजन लिग : आजबाट नवौं चरणका खेल

एपीएफको आठ खेलबाट सात अंक छ र दसौं स्थानमा छ । हिमालयनको भने आठ खेलबाट ११ अंक छैटौं स्थानमा छ । अहिलेसम्म यी दुई क्लबीच लिगमा पाँच खेल भएकोमा दुईमा एपीएफ र एकमा हिमालयन विजयी रहेको छ । बाँकी दुई खेल बराबरीमा टुंगेको छ ।

दोस्रो खेलमा मनाङ मर्स्याङ्दी र सातदोबाटो भिडने छन् । सातदोबाटो माथिल्लो डिभिजनमा नवप्रवेशी भएको आधारमा यो दुई टिमबीचको पहिलो खेल हुनेछ ।

मनाङ १९ अंकमा दोस्रो स्थानमा छ र उसलाई उपाधि होडमा रहन यो खेल जित्न आवश्यक हुनेछ । सातदोबाटो भने नौ अंक जोडेर आठौं स्थानमा रहेको छ ।