जोरपाटी टिम च्याम्पियन- खेलकुद - कान्तिपुर समाचार

जोरपाटी टिम च्याम्पियन

कान्तिपुर संवाददाता

काठमाडौँ — उमा खुला राष्ट्रिय कराते प्रतियोगितामा ५ स्वर्ण, १ रजत र ३ कांस्य पदक जित्दै जोरपाटी डोजो टिम च्याम्पियन भएको छ । नेपाल गोजुकाई कराते संघले आयोजना प्रतियोगितामा ४ स्वर्ण, ३ रजत र ५ कांस्य जितेर मानसिंह डोजो दोस्रो भयो । तेस्रो भएको शंखडोल डोजोले ३ स्वर्ण जितेको थियो ।

पुरुषतर्फ ३० केजीमुनि तौलमा स्वर्ण जितेका आयुश राई र महिलातर्फ ४० केजीमुनि स्वर्ण जितेकी मानसिंहकी सविना तामाङ सर्वोत्कृष्ट खेलाडी चुनिए । दुवैले ८–८ हजार रुपैयाँ प्रोत्साहन पुरस्कार पाए । रकम आयोजक संघका उपाध्यक्ष जनार्दन उप्रेतीले प्रायोजन गरेका थिए ।

दोस्रो ११ स्वर्णको छिनोफानो भयो । कातातर्फ पुरुषमा नेपाल हाइसी–हा एकेडेमीका कृष्ण ऐडी र महिलामा जोरपाटी डोजोकी इशा वाइबाले स्वर्ण जिते ।

महिला ४० केजीमुनि सर्वोत्कृष्ट भएकी सविना, ४५ केजीमा शंखडोलकी अनिता तामाङ, ५० केजीमा साउथ भ्यालीकी नवीना डिम्डुङ, ५५ केजीमा शंखडोलकी युनिका राई, ६० केजीमा मानसिंहकी प्रविना गुरुङ र खुलातर्फ जोरपाटीकी अस्मिता प्रजाले स्वर्ण जितेका थिए ।

पुरुष ५५ केजीमुनि तौलमा जोरपाटीका विशाल केसीले स्वर्ण जिते । ६० केजीतर्फ जोरपाटीका सुजन राई र खुलातर्फ गोठाटारका रविन त्रिपाठीले स्वर्ण जिते ।

खेलाडीलाई नेपाली कांग्रेसका महामन्त्री गगन थापा, पाँचखाल नगरपालिकाका प्रमुख महेश खरेललगायतले पुरस्कृत गरे । काठमाडौं महानगरपालिकाको मुख्य प्रायोजनमा आयोजित प्रतियोगितामा २ सयभन्दा बढी खेलाडीको सहभागिता थियो ।

कार्यक्रममा संयोजक तथा संघका उपाध्यक्ष अच्युतराज उप्रेतीलाई उमा करातेको मुख्यालय लन्डनबाट सम्बन्धनप्राप्त र पाँचौं डानको प्रमाणपत्र हस्तान्तरण गरियो ।

प्रकाशित : पुस २७, २०७८ २०:२४
प्रतिक्रिया
पठाउनुहोस्

जाजरकोट एमालेको अध्यक्षमा शाही

हरिहरसिंह राठौर

जाजरकोट — नेकपा (एमाले) जाजरकोटको अध्यक्षमा खीमबहादुर शाही निर्वाचित भएका छ्न् । मंगलबार गरिएको मतगणनाअनुसार करवीर शाहीलाई पराजित गर्दै उनी अध्यक्षमा निर्वाचित भएका हुन् ।

शाहीले कुल ४ सय ३३ मत मध्ये २ सय १७ मत ल्याएर विजयी भएका हुन् । उनका प्रतिस्पर्धी शाहीले २ सय १० मत प्राप्त गरेका थिए । यस्तै उपाध्यक्षमा गोपाल बटाला निर्वाचित भएका छ्न् । उनले २ सय २५ मत प्राप्त गरी उनका प्रतिस्पर्धी नवराज सिंहलाई पछि पार्दै विजयी भएका हुन् ।

सिंहले १ सय ७७ मत प्राप्त गरेका थिए । सचिवमा नरबहादुर खत्रीलाई पछि पार्दै वीरबहादुर गिरी विजयी भएका हुन् । गिरीले २ सय १५ प्राप्त गरेका थिए भने खत्रीले १ सय ८६ मत प्राप्त गरेका छ्न् । यस्तै उपसचिवमा गोपालबहादुर नेपाली र नरबहादुर बस्नेत निर्वाचित भएका छ्न् । नेपालीले सबैभन्दा बढी २ सय ५८ मत प्राप्त गरेका छ्न् । बस्नेतले २ सय ४७ मत प्राप्त गरेका छ्न् ।

उपसचिवका उम्मेदवार रामबहादुर शाही र जयराम न्यौपाने पराजित भएका छ्न् । शाहीले १ सय ५४ मत प्राप्त गरेका थिए भने न्यौपानेले १ सय ४ मत प्राप्त गरेका थिए । करबीर भाइ हुन भने दाइ खीम हुन् ।

प्रकाशित : पुस २७, २०७८ २०:१६
पूरा पढ्नुहोस्
प्रतिक्रिया
पठाउनुहोस्
×