मछिन्द्रमाथि पुलिसलाई हराउनु पर्ने दबाब

काठमाडौँ — सहिद स्मारक 'ए' डिभिजन लिग ०७८ मा आइतबार डिफेन्डिङ च्याम्पियन मछिन्द्रले पुलिसको सामना गर्दैछ । सातौं चरणको यस खेलमा जित निकाल्न सके, मछिन्द्र फेरि अंक तालिकाको शीर्ष स्थानमा उक्लने छ ।

यस्तै जितसँग एएफसी कप छनोटका लागि मछिन्द्र योग्य पनि हुनेछ । जित बाहेक अन्य नतिजामा मछिन्द्र यी सबै सम्भावनाबाट वञ्चित हुनेछ, त्यसैले मछिन्द्रमाथि पुलिसलाई हराउनु पर्ने दबाब हुनेछ ।

मछिन्द्र ६ खेलबाट १४ अंकसहित दोस्रो स्थानमा छ । मनाङ मर्स्याङ्दी १६ अंकमा शीर्ष स्थानमा छ । मछिन्द्रले आफू अनुकूल नतिजा निकाल्न नसके मनाङले एएफसीकप छनोटमा नेपालको प्रतिनिधित्व गर्नेछ । पुलिस भने ६ खेलबाट ६ अंकमा सीमित रहेर दसौं स्थानमा छ ।