संकटा र च्यासल गोलरहित बराबरीमा- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

संकटा र च्यासल गोलरहित बराबरीमा

कान्तिपुर संवाददाता

काठमाडौँ — सहिद स्मारक लिग ए डिभिजनको शनिबार दशरथ रंगशालामा भएको खेलमा संकटा र च्यासलले निराशाजनक गोलरहित बराबरी खेलेका छन् । यो नतिजाले दुवै टिमलाई फाइदा गरेन । तर संकटा भने सातौं चरणमा पुग्दा पनि अपराजित रह्यो ।


सात खेलपछि संकटा १३ अंकसहित तेस्रो स्थानमा छ । च्यासल भने ५ अंकमा पुछारबाट दोस्रो स्थानमा रहँदै उसका लागि रेलिगेसन दबाब कायम छ। च्यासलका लागि यो खेलबाट पूर्वराष्ट्रिय खेलाडी सन्तोष साहुखल फर्केका छन् ।

तर उनले च्यासललाई जित दिलाउन सकेनन् । दशरथ रंगशालामा भएको शनिबारको पहिलो खेलमा थ्री स्टारले जावलाखेललाई २–१ ले हराएको थियो । थ्री स्टारका लागि आयुष घलान र रितिककुमार खड्काले एक-एक गोल गरे ।

जावलाखेलका लागि निकोलस फर्नान्डेसले एक गोल फर्काए । यो जितपछि थ्री स्टार १० अंकमा पाँचौं स्थानमा उक्लियो भने जावलाखेल सात अंकसहित दोस्रो स्थानमा रह्यो । शनिबार नै पोखरामा भएको खेलमा मनाङ मर्स्याङदीले ब्रिगेड ब्वाइजलाई १–० ले हराएर शीर्ष स्थान कब्जा गरेको थियो ।

प्रकाशित : पुस १७, २०७८ १९:०२
प्रतिक्रिया
पठाउनुहोस्

ब्राउन सुगरसहित पाँच पक्राउ

रासस

दाङ — दाङको तुलसीपुरमा ब्राउनसुगरसहित पाँच जना पक्राउ परेका छन् । इलाका प्रहरी कार्यालय तुलसीपुरका प्रहरी नायब उपरीक्षक श्यामु अर्यालका अनुसार दुई दिनको अवधिमा तीन महिला र दुई पुरुषलाई पक्राउ गरिएको हो ।


पक्राउ पर्नेमा तुलसीपुर उपमहानगरपालिका–५ निवासी १९ वर्षीया मन्दिरा थापा, सोही वडाकै १९ वर्षीया दिपु नेपाली, तुलसीपुर–६ बरुवागाउँका २९ वर्षीया रूद्रमणि पोखरेल शर्मा, सोही ठाउँकी २४ वर्षीया उर्मिला चौधरी र तुलसीपुर–७ को सागरनगर टोलका ३० वर्षीय कैलाश नेपाली रहेका छन् । उनीहरूको साथबाट पाँच ग्राम ७१० मिलीग्राम ब्राउन सुगर बरामद गरिएको हो ।

प्रकाशित : पुस १७, २०७८ १९:००
पूरा पढ्नुहोस्
प्रतिक्रिया
पठाउनुहोस्
×