ईपीएल : शीर्ष स्थानमा सिटीलाई ८ अंकको अग्रता
काठमाडौँ — म्यानचेस्टर सिटीले बुधबार इंग्लिस प्रिमियर लिगको शीर्ष स्थानमा आठ अंकको अग्रता बनाएको छ । सिटीले ब्रेन्टफोर्डलाई १–० ले हराएपछि उपाधि होडमा आफूलाई बलियो बनाएको हो ।
उसका लागि केभिन डे ब्रुएनाले १६ औं मिनेटमा निर्णायक गोल गरे । यस जितका बाबजुद सिटी व्यवस्थापक पेप ग्वार्डिओलाले उपाधि होड अझै खुल्ला रहेको र जुनसुकै बेला अंकतालिकामा तलमाथि हुन सक्ने प्रतिक्रिया दिएका छन् ।
बुधबारकै अर्को खेलमा चेल्सीले ब्राइटनसँग १–१ को बराबरी खेल्यो । सिटीको २० खेलबाट ५० अंक भएको छ । चेल्सी समान खेलबाट ४२ अंकमा दोस्रो स्थानमा छ । लिभरपुल भने १९ खेलबाट ४१ अंकमा तेस्रो स्थानमा छ ।
प्रतिक्रिया