नेपालले मरिससविरुद्ध दुई मैत्रीपूर्ण खेल खेल्ने
काठमाडौँ — नेपाली राष्ट्रिय पुरुष फुटबल टिमले अर्को महिना मरिससविरुद्ध दुई अन्तर्राष्ट्रिय फुटबल खेल खेल्ने भएको छ । अखिल नेपाल फुटबल संघ (एन्फा) का अनुसार जनवरी २९ र फेब्रुअरी १ मा खेल हुनेछ ।
दुवै खेल दशरथ रंगशालामा हुनेछन् । मरिसस फिफा वरीयताको १ सय ७२ औं स्थानमा रहेको छ । फिफाको अन्तर्राष्ट्रिय म्याच क्यालेन्डरको समयमा यी दुई खेल हुन लागेको हो ।
नेपालले मरिससविरुद्ध खेल्न लागेको यो पहिलो पल्ट हो । नेपालका कुवेती प्रशिक्षक अल्दुल्लाह अल्मुताइरी काठमाडौं आए लगतै एन्फाले राष्ट्रिय टिमको खेल तालिका सार्वजनिक गरेको हो ।
प्रकाशित : पुस १३, २०७८ १९:२५