मछिन्द्र र संकटा गोलरहित बराबरीमा- खेलकुद - कान्तिपुर समाचार

मछिन्द्र र संकटा गोलरहित बराबरीमा

कान्तिपुर संवाददाता

काठमाडौँ — सहिद स्मारक लिग ए डिभिजन ०७८ को शुक्रबार दशरथ रंगशालामा भएको दोस्रो खेलमा अंक तालिकाको शीर्ष स्थानमा रहेको मछिन्द्र र संकटाले गोलरहित बराबरी खेलेका छन् ।

यो बराबरीपछि दुवै टिमको अपराजित यात्रा भने कायम रह्यो । मछिन्द्रका लागि मनीष डाँगीले बललाई पोस्ट चुमाए पनि त्यसमा अफ साइड निर्णय दिइएको थियो ।


दुवैका लागि यो बराबरी अनुकूल नतिजा भने रहेन, विशेषत: मछिन्द्रका लागि । यो नतिजापछि मछिन्द्र ११ अंकमा शीर्ष स्थानमै कायम रह्यो । संकटा भने नौ अंकमा शीर्ष चारमा उक्लेको छ ।

प्रकाशित : पुस २, २०७८ २०:४२
प्रतिक्रिया
पठाउनुहोस्

कोरोनाका मृतकका परिवार र खेलकुद क्लबलाई ललितपुर महानगरको सहयोग

कान्तिपुर संवाददाता

ललितपुर — ललितपुर महानगरपालिकाले कोभिड १९ को संक्रमणबाट निधन भएका व्यक्तिका परिवारलाई एक लाख २० रुपैयाँ दिएको छ । महानगरले १०३ औं स्थापना दिवसको अवसरमा मेयर चिरिबाबु महर्जनले २९ वडाका २९ जनालाई रकम हस्तान्तरण गरेका हुन् । उनले अहिले दुई सय परिवारलाई प्रतिपरिवार एक लाख २० रुपैयाँ दिने बताए । 

त्यस्तै कोरोनो संक्रमणका कारण अस्पतालमा बस्नेलाई अस्पतालको बिलअनुसार ३० हजार रुपैयाँ दिने महानगरको निर्णय छ । आईसीयु/सीसीयूमा बस्ने संक्रमितलाई ६० हजार दिने महानगरले जनाएको छ । महानगरले अस्पतालमा बसेका २ सय जना र आईसीयु/सीसीयूमा बस्ने ५५ जनालाई दिने निर्णय गरिसकेको मेयर महर्जनले बताए । त्यस्तै महानगरले नगरभित्रका ए,बी र सी डिभिजन क्लबलाई समेत रकम हस्तान्तरण गरेको छ ।

महानगरले वार्षिक रूपमा ए डिभिजनका प्रतिक्लब चार लाख, बी डिभजनका प्रतिक्लब ३ लाख र सी डिभिजन क्लबलाई प्रतिक्लब २ लाख रूपैयाँ दिएको हो । महानगरले बी डिभजनबाट ए डिभिजनमा गएको सातदोबाटो क्लबलाई थप २० लाख रूपेयाँसमेत दिएको छ ।


प्रकाशित : पुस २, २०७८ २०:४१
पूरा पढ्नुहोस्
प्रतिक्रिया
पठाउनुहोस्
×