जावलाखेललाई पहिलो अंक, बीबीसीसँग बराबरी

दशरथ रंगशालामा भएको खेलमा जावलाखेल बीबीसीविरुद्ध हाबी रहे पनि गोल भने निकाल्न सकेन र एक अंकमै चित्त बुझाउन बाध्य रह्यो । यो नतिजापछि जावलाखेलको चार खेलबाट एक अंक भएको छ । जावलाखेल अझै रेलिगेसन क्षेत्रमा छ ।

एक अंक प्राप्त भएपछि जावलाखेल १३ औं स्थानमा उक्लिएको छ । बीबीसी भने समान चार खेलबाट पाँच अंकसहित सातौं स्थानमा उक्लेको छ । यसअघि सोमबारको पहिलो खेलमा संकटाले पुलिसलाई १–० ले हराएको थियो ।

यी खेलसँगै लिगको चौथो चरणका खेल समाप्त भएका छन् ।