पहिलो दिनै इंग्ल्यान्ड अलआउट

इंग्लिस कप्तान जो रुटले टस जितेर ब्याटिङ गर्ने निर्णय गरेका थिए । त्यसपछि अस्ट्रेलियाका तीन तीव्र गतिका बलर कमिन्स, मिचेल स्टार्क र जोस हेजलउडले गावामा इंग्ल्यान्डलाई ५०.१ ओभरमै समेटेका थिए ।

टिम पेनलाई प्रतिस्थापन गरी टेस्ट कप्तानको जिम्मेबारी लिएका कमिन्सले पहिलो खेलमै ५–३८ को सानदार प्रदर्शन गरे । स्टार्कको २–३५ र हेजलउडको २–४२ को प्रदर्शन थियो ।

इंग्ल्यान्डका सबै ब्याटर घाँसे पिटमा बाउन्स र गति अनुकूल हुन असफल रहे । इंग्ल्यान्डका ओपनर हसिब हमिद (२५), ओलि पोप (३५), जस बटलर (३९) र क्रिस वोक्स (२१) ले मात्र दोहोरो अंकमा रन छुन सके ।