ए डिभिजन लिग : पुलिस र हिमालयनबीच बराबरी
काठमाडौँ — सहिद स्मारक लिग ए डिभिजन २०७८ को बुधबार भएको पहिलो खेलमा पुलिस र हिमालयन शेर्पाले १–१ को बराबरी खेलेका छन् । यो नजितापछि पुलिसको ३ खेलबाट ५ अंक भएको छ । हिमालयन शेर्पाको ३ खेलबाट २ अंक भएको छ ।
दशरथ रंगशालामा भएको खेलमा हिमालयनले ५३ सेकेन्डमा पहिलो गोल गरेको थियो । उसका लागि विश्वास श्रेष्ठले गोल गरेका थिए । जारी लिगमा भएको यो सबैभन्दा कम समयमा भएको गोल हो ।
पुलिसका लागि ६० मिनेटमा सुमन लामाले गोल गर्दै बराबरीमा पुर्याए । बुधबारको अर्को खेलमा डिफेन्डिङ च्याम्पियन मछिन्द्रले जावलाखेल युथको सामना गर्नेछ ।
प्रकाशित : मंसिर २२, २०७८ १५:३८प्रतिक्रिया