ए डिभिजन लिग : थ्री स्टार र फ्रेन्ड्सबीच बराबरी

फ्रेन्ड्सले ५१ औं मिनेटमा नथानिल जुडे गार्सियाको गोलले अग्रता लिएको थियो । खेल सकिन सात मिनेट अगाडि मिक्चेन तामाङले बराबरी गोल फर्काए । एक गोलले पछाडि रहेको स्थितिमा थ्री स्टारले फ्रेन्ड्समाथि दबाब सिर्जना गरेको थियो ।

यो खेलपछि थ्री स्टारको तीन खेलबाट चार अंक भएको छ । फ्रेन्ड्स भने अहिलेसम्म जितविहीन रहेको छ । दुई बराबरीपछि उसको दुई अंक भएको छ । ललितपुरका दुई क्लबबीच ०४६ यता भएका खेलमा यो तेस्रो बराबरीमा मात्र हो ।