महिला हक्की हेटौंडामा
काठमाडौँ — नेपाल हक्की संघ र जिल्ला हक्की संघ मकवानपुरको आयोजनामा चौथो सहाना प्रधान स्मृति महिला राष्ट्रिय हक्की प्रतियोगिता हुने भएको छ ।
पुस १३ देखि १७ सम्म हुने प्रतियोगितामा ६ प्रदेशका टोलीसहित एक विभागीय टिम त्रिभुवन आर्मीले भाग लिनेछन् ।
सहाना प्रधानको स्मृति दिवसको अवसरमा तीन वर्षयता महिला राष्ट्रिय प्रतियोगिता हुँदै आएको छ । पहिलो र तेस्रो संस्करणमा आर्मी तथा दोस्रोमा लुम्बिनी प्रदेश विजेता बनेका थिए । पहिलो संस्करण पनि मकवानपुरमै भएको थियो ।
जिल्ला हक्की संघ मकवानपुरका अध्यक्ष प्रताप सिंहले शनिबार संघको बैठकपश्चात प्रतियोगिताको तयारी सुरु गर्ने बताए ।
प्रकाशित : मंसिर १७, २०७८ ०८:१८प्रतिक्रिया