शुक्रबारदेखि रुपन्देहीमा जिल्ला लिग

बुटवलको देविनगरस्थित एन्फा ऐकेडेमीमा हुने प्रतियोगिता अन्तर्गत दिउँसो २ बजे हुने उद्घाटन खेलमा झरना स्पोर्टस् क्लब र सुनौलो संगम युवा क्लबबीच प्रतिस्पर्धा हुने खेल संयोजक मुकेश कुँवरले बताए । कुँवरले लिग आधारमा हुने प्रतियोगिता अन्तर्गत प्रत्येक टिमको ९ वटा गरी कूल ४५ वटा लिग चरणको खेल हुने बताए ।

प्रतियोगिताको विजेता टिमले नगद १ लाख रूपैयाँसहित पुरस्कार प्राप्त गर्ने छ भने उपविजेता टिमले ५० हजार प्राप्त गर्ने छ । प्रतियोगितामा तृतीय हुने क्लबले ३० हजार तथा सान्त्वनाले २० हजार नगद प्राप्त गर्ने लुम्बिनी प्रदेश फुटबल संघका महासचिव लोक पुनले जानकारी दिए । उनका अनुसार प्रतियोगितामा विधागत तर्फका ५ जनालाई नगद ५ हजारका दरले पुरस्कार प्रदान गरिने छ ।