आईपीएलमा दुई नयाँ टिम- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

आईपीएलमा दुई नयाँ टिम

एएफपी

दुबई — विवादास्पद अमेरिकी कम्पनी र भारतीय बिजनेस टाइकुनले सोमबार १ अर्ब ६० करोड अमेरिकी डलर बढीमा विश्वकै सबैभन्दा धनाढ्य क्रिकेट प्रतियोगिता इन्डियन प्रिमियर लिगमा नयाँ दुई टिम लिएका छन् ।

दुबईमा आयोजित कार्यक्रममा सन्जीव गोयन्काको आरपीएसजीले ९३ करोड डलरमा आईपीएलको लखनउ टिम लियो भने सीभीसी क्यापिटलले ६९ करोड डलरमा अहमदबादको टिम पायो । अहमदबादले विश्वकै सबैभन्दा ठूलो क्रिकेट रंगशालामा खेल्न पाउने छ ।

आईपीएलले दुई टिम बढाएर सन् २०२२ देखि १० टिमको प्रतियोगिता सञ्चालन गर्दै छ । यसले अन्तर्राष्ट्रिय लोकप्रियतासँगै टेलिभिजन प्रसारण र अन्य अधिकार बिक्रीबाट आम्दानी बढाउन सक्छ । इंग्लिस प्रिमियर लिग क्लब म्यानचेस्टर युनाइटेडको स्वामित्व लिएको ग्लेजर परिवारसहित भारतीय र विदेशी गरी २० वटा बहुराष्ट्रिय कम्पनीले आईपीएलको नयाँ टिमका लागि प्रस्ताव गरेका थिए ।

लक्जेम्बर्गमा रहेको सीभीसीले अन्तर्राष्ट्रिय खेलकुदमा पछिल्लोपल्ट आएको परिवर्तनसँगै १ खर्बभन्दा बढी लागनी गरेको छ । सीभीसीले अन्तर्राष्ट्रिय रग्बी युनियन, स्पेनी ला लिगासहित फुटबलका मुख्य प्रतियोगितामा अबौं डलर लागनी गरिसकेको छ । उसले अन्तर्राष्ट्रिय भलिबल महासंघ, फर्मुला वानको टिम खरिद गरिसकेको छ भने अन्तर्राष्ट्रिय टेनिस टुर र एनबीएको फ्रेन्चाइज टिम सान एन्टोनियो स्पर्समा लगानी गर्नेबारे पनि कुरा भइरहेको छ ।

आरपीजीएसले भारतको शीर्ष फुटबल टिम मोहन बगानको स्वामित्व लिइसकेको छ । यो कम्पनी आईपीएलकै राइजिङ पुने सुपरजायन्ट्समा पनि आबद्ध थियो, जसले भ्रष्टाचार काण्डमा दुई टिमलाई हटाइएको २०१६–१७ को सिजन आईपीएल खेलेको थियो । दुई टिमका सदस्यहरूलाई अवैध सट्टेबाजी र स्पट फिक्सिङ गरेको आरोप लगाइएको थियो । तर, आईपीएलले ठूलो संख्यामा टेलिभिजन दर्शक आकर्षित गरिरहेको छ । विश्वका ट्वान्टी–२० प्रतियोगिता भारतकै सिकोमा अगाडि बढिरहेको छ ।

आर्थिक परामर्श दिने डफ एन्ड फेल्पस्का अनुसार सन् २०१९ मा आईपीएलको ब्रान्ड भ्यालु ६ अर्ब ७० करोड डलर थियो । कोरोना भाइरसको महामारीअघि आईपीएलले भारतीय अर्थतन्त्रमा वार्षिक ११ अर्ब डलर योगदान गरिरहेको अनुमान गरिन्छ ।

प्रकाशित : कार्तिक १०, २०७८ ०८:५२
प्रतिक्रिया
पठाउनुहोस्

होटलबाटै भागे एक अफगान नागरिक

कान्तिपुर संवाददाता

काठमाडौँ — भारतबाट बेलहिया नाका हुँदै नेपाल प्रवेश गरी काठमाडौं आइपुगेका एक अफगान नागरिक प्रहरीले अनुसन्धान थालेपछि ‘सेल्टर’ लिएको होटलबाटै भागेका छन् ।

असोज दोस्रो साता दिल्लीबाट बसमा सुनौली आएका अजमल अचेकजाई भारतको पञ्जाबको नागरिक भएको नक्कली परिचयपत्र बनाएर बेलहिया नाका हुँदै काठमाडौं आएका थिए ।

यूएनएचसीआरको शरणपछि उनीसहित ७ जना सिनामंगलको एक होटलमा मासिक २५ हजार रुपैयाँ भाडा तिर्ने गरी बसेका थिए ।

होटललाई अग्रिम भाडाबापत १० हजार दिइसकेका थिए । होटलमा टिपाएको विवरणमा अजमलले आफूहरू भ्रमणका क्रममा आएको उल्लेख गरेका छन् । उनले नेपालमा रहँदा प्रयोग गर्न लिएको मोबाइल नम्बर स्विच अफ छ । दिल्लीबाट समूहगत रूपमा नेपाल ल्याउने मुख्य व्यक्ति नै उनी रहेको हुन सक्ने स्रोतले जनाएको छ ।

प्रकाशित : कार्तिक १०, २०७८ ०८:४४
पूरा पढ्नुहोस्
प्रतिक्रिया
पठाउनुहोस्
×