मेयर कप भेट्रान : खुमलटार र हेटौंडाको विजयी सुरुआत- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

मेयर कप भेट्रान : खुमलटार र हेटौंडाको विजयी सुरुआत

कान्तिपुर संवाददाता

काठमाडौँ — मेयर कप भेट्रान फुटबल प्रतियोगिता अन्तर्गत आइतबार भएको खेलमा एफई खुमलटार र विजय युथ क्लब हेटौंडा भेट्रानले जित निकालेका छन् । त्रिपुरेश्वरस्थित दशरथ रंगशालामा आइतबार भएको दिनको पहिलो खेलमा खुमलटारले ललितपुर वडा नम्बर १४ लाई पराजित गर्दा अर्को खेलमा विजय युथ हेटौंडाले काभ्रे भेट्रान क्लबलाई हराएको हो । 


खुमलटारले ललितपुरलाई ४–१ हराउँदा अर्को खेलमा हेटौंडाले काभ्रेमाथि ३–० को सहज जित निकालेका हो । खुमलटारलाई स्पष्ट तीन अंक दिलाउन दुई गोल गरेको खुमलटारका जुमानु राई म्यान अफ दि म्याच घोषित भए । जुमानुले खुमलटारका लागि सुरुआती दुई गोल टोली टोलीलाई जिततर्फ डोर्‍याएका थिए । यस्तै, राजकुमार घिसिङ र रितेश खड्काले एक/एक गोल गर्दा एक गोल उपहार दिादा खेल ४–१ को अवस्थामा टुंगिएको थियो ।

प्रतियोगिता अन्तर्गत दिनको दोस्रो खेलमा विजयी युथ हेटौंडालाई जित दिलाउने क्रममा कृष्ण शाक्यले दुई गोल गर्दा उत्तर कुमार दुलालले एक गोल आफ्नो नाममा लेखाए । यस खेलमा विजय युथका कृष्ण शाक्य म्यान अफ दी म्याच घोषित भए ।

भेट्रान फुटबल अन्तर्गत दिनको तेस्रो खेलमा चितवन भेट्रान क्लबले चितवन भेट्रान पश्चिम क्लबमाथि ९–० को रावाफिलो जित निकाल्यो । चितवनको जितमा रमेश थापाले ह्याट्रिक गर्दा कप्तान रविन्द्र श्रेष्ठ र सुरेश कुमार श्रेष्ठले समान दुई/दुई गोल गरे । यस्तै कमल गुरुङ र धरेन्द्र राज शाहीले एक/एक गोल आफ्नो नाममा लेखाए ।

प्रतियोगितामा सोमबार तीन खेल हुनेछन् । पहिलो खेल समूह ए को फुटबल फेलोसिप क्लब र फर्पिङ स्पोर्ट्स डेभलपमेन्ट क्लबबीच प्रतिस्पर्धा हुँदा दिनको दोस्रो खेल भनिमण्डल भेट्रान क्लब र वी वेयर ब्रदर्श तथा तेस्रो खेल एसएनकेसी र बौद्ध भेट्रान क्लबबीच प्रतिस्पर्धा हुनेछ ।

प्रकाशित : कार्तिक ७, २०७८ १७:५३
प्रतिक्रिया
पठाउनुहोस्

सामाजिक विभेद र सामन्ती उत्पीडन रुचाउनेले माओवादी सकिनुपर्छ भने : दाहाल 

कान्तिपुर संवाददाता

काठमाडौँ — नेकपा (माओवादी केन्द्र)का अध्यक्ष पुष्पकमल दाहालले परिवर्तन नरुचाउनेले माओवादी सकिनुपर्छ भनेको बताएका छन् । राजनीतिक र सामाजिक रूपान्तरणको नेतृत्व गर्ने आफूलाई अपराधी नै हो भनाउन लागेको पनि दाहालले बताएका छन् ।

'ज्योति स्पर्श र रातो बारुद' नामक पुस्तक लोकार्पण कार्यक्रममा आइतबार दाहालले त्यस्तो अभिव्यक्ति दिएका हुन् । 'हिजोका सरकारका कतिपय ठूल्ठूला महान् विद्वान्, कर्मचारीतन्त्रका ठूला भन्नेहरूले माओवादी नसकिँदासम्म यो देशले सुख पाउँदैन भनेको सुन्नु भएको छ नि हिजो अस्तिमात्रै,' दाहालले भने, 'को हुन् ती मान्छेहरू ? सामाजिक विभेदलाई रुचाउने, सामन्ती उत्पीडन र अत्याचारलाई पुनर्स्थापित गर्न चाहने, महिलालाई विशेषाधिकार दिने या महिलाको प्रतिनिधित्व, दलितको प्रतिनिधित्व राज्यका विभिन्न क्षेत्रमा हुनुपर्छ भन्नेहरूलाई सिध्याएपछि हुन्छ के ?'

जुन वर्ग र समुदायका लागि आफू लडेको हो ती समुदायका मान्छेहरू पनि माओवादी सकिनुपर्छ भन्नेहरूको समर्थनमा लागेको देख्दा आफूलाई अचम्म लाग्ने गरेको दाहालको भनाइ थियो । 'दुर्भाग्य के छ भने जुन वर्ग, समुदायका निम्ति भनेर हामी लडाइँ लड्यौँ, त्यो वर्ग, समुदाय पनि जानेर वा नजानेर आफूलाई नै अत्याचार गर्नेहरूको पछिपछि लागेर ताली पिट्दै हिँडेको देख्दा मलाई कहिलेकाहीँ बडो नमीठो लाग्छ । के भएको होला भन्ने महसुस हुन्छ,’ उनले भने ।

दाहालले परिवर्तन नचाहने व्यक्ति र राजनीतिक दलहरूले संघीयता उल्ट्याउन चाहेको, जातीय विभेदको अन्त्य गर्ने विद्रोहलाई बदनाम गर्न खोजेको पनि आरोप लगाए । उनले त्यसका लागि आफूलाई अपराधी नै हो भनाउन चाहेको पनि बताए । 'उनीहरूले यो संघीयता उल्ट्याउन चाहेका छन् । यो जातीय विभेदको अन्त्य गर्ने भनेर भएको विद्रोहलाई बदनाम गर्न चाहेका छन् । सबैले मिलेर प्रचण्डलाई अपराधी नै हो भनाउन चाहेका छन् । यसले चाहिँ दलितहरुलाई उठाएर हामीलाई हैरान पार्‍यो, आदिवासी जनजाति उठाएर, महिलालाई ३५ प्रतिशत रे, के के रे भन्दिएर,’ उनले भने ।

प्रकाशित : कार्तिक ७, २०७८ १७:४६
पूरा पढ्नुहोस्
प्रतिक्रिया
पठाउनुहोस्
×