विश्वकप क्रिकेटको सुपर १२ मा नामिबिया- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

विश्वकप क्रिकेटको सुपर १२ मा नामिबिया

कान्तिपुर संवाददाता

सारजहा, एपी — नामिबियाले शुक्रबार ट्वान्टी ट्वान्टी विश्वकपको मुख्य 'ड्र' मा पहिलोपल्ट प्रवेश पाएको छ । नामिबियाले सुपर १२ चरणमा प्रवेश पाउनका लागि भएको निर्णायक खेलमा आयरल्यान्डलाई आठ विकेटल पराजित गरेको छ ।

यससँगै प्रतियोगिताको अन्तिम मुख्य चरण खेल्ने १२ टिमको पनि निर्णय भएको छ । जितका लागि १ सय २६ रनको लक्ष्य पाएको नामिबिया नौ बलको खेल बाँकी छँदै त्यहाँसम्म पुगेको हो ।

नामिबियालाई जित दिलाउन कप्तान जेरहार्ड इरसमुले प्रमुख भूमिका खेले । उनले ४९ बलमा ५३ रन बनाएर नटआउट रहे र २८ रन बनाएका डेविड विससँग नटआउट ५३ रनको साझेदारी गरे ।

नामिबियाले यसअघि नेदरल्यान्ड्सलाई हराएको थियो । यसको समूहबाट यसअघि नै श्रीलंका पनि सुपर १२ को चरणमा पुगिसकेको छ । यसअघि सन् २०१२ यता पहिलोपल्ट विश्वकप खेल्ने प्रयासमा रहेको आयरल्यान्डले आठ विकेटमा १ सय २५ रन बनाएको थियो ।

प्रकाशित : कार्तिक ५, २०७८ २०:४०
प्रतिक्रिया
पठाउनुहोस्

नेकपा (एस) को ७३ जिल्ला कमिटी गठन

कान्तिपुर संवाददाता

काठमाडौँ — नेपाल कम्युनिष्ट पार्टी (एकीकृत समाजवादी) ले ७३ जिल्ला कमिटी गठन गरेको छ । पार्टीका प्रचार विभाग प्रमुख तथा उपमहासचिव जगन्नाथ खतिवडाले शुक्रबार जारी गरेको विज्ञप्तिमा चारवटा गैरभौगोलिक जिल्ला कमिटीसमेत गठन गरिएको छ । पछिल्लो समय  वर्षा, बाढी, पहिरोका कारण कमिटी गठन कार्य स्थगित गरिएको छ ।

अहिले सङ्घीय तथा प्रदेशस्तरका निर्वाचन क्षेत्रीय कमिटी, स्थानीय तहका विभिन्न पालिका, वडा तथा टोल कमिटी गठनको प्रक्रिया जारी छ भने विभिन्न जिल्ला र केन्द्रबीच समन्वय स्थापित गर्ने सम्पर्क मञ्चको गठनका क्रममा छन् । देशबाहिर विभिन्न प्रवास कमिटीसमेत गठन भइरहेका छन् । पार्टी निर्माणका पक्षमा देशभरका हजारौं युवा, विद्यार्थी कार्यकर्ताको स्वःस्फूर्त सहभागिता रहेको विज्ञप्तिमा जनाइएको छ ।

पार्टीको आधिकारिक प्रकाशनतर्फ केन्द्रीय मुखपत्रका रूपमा ‘समाजवाद’ र गतिविधिमूलक प्रकाशन (बुलेटिन) का रूपमा ‘कलम’ को प्रकाशन तयारी भइरहेको छ । त्यसमध्ये ‘कलम’ को प्रकाशन एक साताभित्र सम्पन्न गर्ने गरी काम अगाडि बढेको जनाइएको छ । पार्टीको आधिकारिक वेबसाइट, विभिन्न सामाजिक सञ्जालमा पार्टीको उपस्थितिका निम्ति प्राविधिक कार्य अन्तिम चरणमा पुगेको उल्लेख गरिएको विज्ञप्तिमा पार्टीका पाँच सङ्घीय सांसदले मन्त्रिपरिषद्मा सहभागिता जनाएको भनिएको छ ।

प्रदेश १ र वाग्मती प्रदेश सरकारको आगामी नेतृत्व पार्टीले गर्ने सहमति ५ दलीय गठबन्धनको बैठकले गरिसकेको जनाइएको छ ।

गत भदौ ९ गते निर्वाचन आयोगबाट दर्ता प्रमाणपत्र प्राप्त गरेको पार्टीले केन्द्रीय कमिटीलाई पूर्णता दिने काम सम्पन्न भएको छ । सम्पूर्ण प्रदेश तथा प्रदेशस्तरका कमिटीका इञ्चार्ज, सहइञ्चार्ज, अध्यक्ष, सचिवसहितका पदाधिकारी तोकिएका छन् । केन्द्रीय आयोग र निकायहरु गठन भइसकेका छन् । केन्द्रीय विभागका प्रमुख, उपप्रमुखहरु तोकिएका छन् । ती विभागहरुलाई पूर्णता दिनका निम्ति देशभरबाट विभागको कार्यक्षेत्र, प्रकृति र चरित्रअनुसारका छनोट गर्ने कार्य अन्तिम चरणमा पुगेको छ । सबै जनसंगठन, पेशागत तथा सामुदायिक संगठनहरुको विभिन्न तहका कमिटी गठन, पुनर्गठन तथा रूपान्तरणका काम जारी छन् । पार्टीको सम्पूर्ण जिल्ला कमिटी, जनसंगठनसहित विविध पेशागत तथा सामुदायिक संगठनका इञ्चार्ज तथा सहइञ्चार्ज तोक्ने काम सम्पन्न भएको जनाइएको छ ।

प्रकाशित : कार्तिक ५, २०७८ २०:३७
पूरा पढ्नुहोस्
प्रतिक्रिया
पठाउनुहोस्
×