कान्तिपुर वेबसाईट
AdvertisementAdvertisement
१६.१२°C काठमाडौं
काठमाडौंमा वायुको गुणस्तर: १५८

नेसन्स लिग : बदला लिँदै स्पेन फाइनलमा

बीबीसी

मिलान — इटालीको अपराजित विश्व कीर्तिमानलाई ३७ खेलमा रोक्दै स्पेन सान सिएरोमा भएको सनसनीपूर्ण खेलमा २–१ को जित रच्दै नेसन्स लिगको फाइनल पुगेको छ ।

नेसन्स लिग : बदला लिँदै स्पेन फाइनलमा

यूईएफएको दोस्रो श्रेणीको प्रतियोगितामा आएर स्पेनले वेम्बलीमा भएको युरो २०२० को सेमिफाइनलमा बेहोरेको पेनाल्टी सुटआउटको बदला पनि इटालीविरुद्ध लियो । मिलानमा स्पेनका दुवै गोल म्यानचेस्टर सिटीका फेरान टोरेसले गरे । उनले दुवै अवसरमा मिकेल ओयरजबलको क्रस उपयोग गर्दै लुइस एनरिकेको टिमलाई आइतबार हुने फाइनलमा पुर्‍याए । इटालीले उपाधि होडमा बेल्जियम वा फ्रान्सविरुद्ध प्रतिस्पर्धा गर्नेछ ।

कप्तान लियोनार्डो बोनुचीले दोस्रो पहेँलो कार्ड पाउँदै मैदान छाड्दा इटाली १–० ले पछाडि परिसकेको थियो । उनले सर्जियो बुस्केटसलाई कुहिनाले प्रहार गरेपछि दोस्रो कार्ड पाए । लोरेन्जो पेलेग्रिनीले अन्त्यतिर सान्त्वना गोल गर्नु अघिसम्म इटाली कमजोर देखिएको थियो । काउन्टर अट्याकमा फेडेरिको किएसाको उत्कृष्ट दौडाइमा पाएको अवसरमा गोल पेलेग्रिनीले गोल गरे पनि इटालीले त्यसपछि खेल बराबरी गर्न सकेन ।

बार्सिलोनाका १७ वर्षीय मिडफिल्डर गावीले पहिलो रोजाइमै खेल्ने अवसर पाए, जुन स्पेनको इतिहासकै सबैभन्दा कम उमेरको कीर्तिमान बन्यो । उनले क्लबका लागि डेब्यु गरेको ६ साताभित्रै यो स्तरमा अवसर पाएका हुन् ।

नेसन्स लिगलाई निष्पक्ष रूपमा भन्नुपर्दा विगतका केहीलाई छाडेर नयाँ प्रतियोगिता नै होला । तर, दुवै टिम ११ खेलाडीमा खेलिरहँदा प्रतिभा र उत्कृष्टले कुनै विश्वकप वा युरोपियन च्याम्पियनसिपको खेलजस्तै रह्यो । इटालीले सन् १९९९ यता घरेलु भूमिमा भएको प्रतियोगितात्मक खेलमा हार बेहोरेको यो नै पहिलोपल्ट हो ।

टोरेसले स्पेनका लागि आफ्नो महत्त्व देखाइदिए । उनी पछिल्लो वर्ष स्पेनको स्टार खेलाडीका रूपमा स्थापित भएका छन् । सेप्टेम्बर १, २०२० यता उनको यो ११ औं अन्तर्राष्ट्रिय गोल हो । कसैले पनि यो अवधिमा ५ गोलभन्दा बढी गरेका छैनन् ।

उनी फिनिसिङमा परिपक्व रहे । स्पेनका लागि उनले पोस्टमै प्रहार गरेका पछिल्ला ७ प्रहारमध्ये ६ गोल भएको छ । उनले इटालीविरुद्ध दुई प्रहारमात्रै गरे । उनको पहिलो प्रहार कठिन अवस्थामा पनि लोभलाग्दो ‘भली’ रह्यो । दोस्रो प्रहार हेडरमा पनि गोल निस्कियो । दुईपल्टै बल पेनाल्टी क्षेत्रमा ओरजबलले दिएका थिए । टोरेसलाई दोस्रो हाफको सुरुमै निकाल्दै युवा खेलाडी येरेमी पिनोलाई डेब्यू दिइएको थियो ।

विशेष गरी इटाली १० खेलाडीमा सीमित भएपछि खेल स्पेनलले पक्का गरिसकेको थियो । रोबर्टो मान्चिनीले भेट्रान डिफेन्डर जर्जियो केलिनीलाई अझै खराब हुनबाट जोगाउन फेडेरिको बर्नाडेचीको स्थानमा हाफ टाइममा ल्याएका थिए । इटालीले दोस्रो हाफमा एकपल्टमात्रै पोस्टमा प्रहार गर्‍यो । किएसा आफ्नै क्षेत्रबाट दौडिए निस्वार्थी रूपमा सब्स्टिच्युट पेलेग्रिनीलाई गोलका लागि बल उपलब्ध गराए ।

प्रकाशित : आश्विन २२, २०७८ ०७:४९
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?