ईपीएल : भैरहवाद्वारा काठमाडौंलाई ठूलो चुनौती

त्रिवि क्रिकेट मैदानमा कप्तान शरद भेषावकरले आक्रामक ब्याटिङ गर्दै २० बलमा ४९ रन बनाई भैरहवालाई मजबुत स्थितिमा उभ्याए । उनले ७ चौका र ३ छक्का प्रहार गरे ।

भैरहवाबाट तामिम इक्बाल ९ रनै आउट भएका थिए । अर्का ओपनर प्रदीप ऐरीले २७ बलमा ६ चौका र १ छक्का प्रहार गरी ३९ रन बनाए । उपुल थाराङ्गाले ५ चौका प्रहार गर्दै ३३ बलमा ३५ रन जोडे ।

कुशल मल्लले ४ छक्का प्रहार गर्दै २० बलमा ३२ रन बनाए ।आरिफ शेख ८ बलमा १ चौका र १ छक्का प्रहार गरी १५, रोहित पौडेल १ र दुर्गेश गुप्ता शून्यमा आउट भए । काठमाडौंका असान प्रियन्जन र सन्दीप लामिछानेले २–२ विकेट लिए । प्रियन्जनले ३ ओभरमा १७ र सन्दीपले ४ ओभरमा ३६ रन खर्चे । शेर मल्ल, जितेन्द्र मुखिया र जनक प्रकाशले १–१ विकेट लिए ।