च्याम्स विजयी
सुनसरी — धरानमा सुरु च्यारिटेबल प्रथम सिंगापुर मितेरी फुटसल प्रतियोगिताको उद्घाटन खेलमा च्याम्स टिम विजयी भएको छ । च्याम्सले सिओन स्कुललाई ५–२ गोलले हरायो ।
असिम राईले दुई तथा दिवस सुनुवार, रोचक तिवारीे र साजन राईले १–१ गोल गरेका थिए । सिओनका सुदीप तामाङ र आशिष दर्नालले एक गोल गरे ।
मितेरी फुटसल र सिंगापुर लिफ टिमको संयुक्त आयोजनामा भएको प्रतियोगितामा ३६ टिमले भाग लिएको आयोजकका अध्यक्ष लुकेन्द्र राईले बताए । विजेताले १ लाख ११ हजार १ सय ११ तथा उपविजेताले ५५ हजार ५ सय ५५ रुपैयाँ पुरस्कार प्राप्त गर्नेछन् ।