अभ्यास खेलमा नेपाल ओमानसँग पराजित

पहिलो हाफमा कम अनुभवी खेलाडीलाई उतारेको ओमानले दोस्रो हाफमा भने अधिकांश पहिलो रोजाइका खेलाडीलाई खेलाएको थियो । उसका लागि अब्दुल्लाजिज अल मुक्बालीले दुई गोल गरे ।

नेपालका लागि आयुष घलान र अनन्त तामाङले एक गोल गरे । ओमान फिफा वरीयताको ९०औं स्थानमा रहेको बलियो टिम हो । खेल कतारको दोहामा भएको थियो । अब नेपाली टिम सोमबार माल्दिभ्सको मालेतिर लाग्नेछ ।