कान्तिपुर वेबसाईट
AdvertisementAdvertisement
२५.१२°C काठमाडौं
काठमाडौंमा वायुको गुणस्तर: १३४

चेल्सीसँग सिटीको बदला

एएफपी

लन्डन — म्यानचेस्टर सिटीले च्याम्पियन्स लिग फाइनलमा बेहोरेको हारको बदला लिँदै चेल्सीविरुद्ध शनिबार स्टामफोर्ड ब्रिजमा १–० को जित निकाल्दै प्रिमियर लिगमा ३ अंक जोडेको छ ।
ग्याब्रियल जेससले प्रहार गरेको बल डिफ्लेक्ट हुँदै दोस्रो हाफको आठौं मिनेटमा भएको गोलले खेलमा दुई टिमबीचको फरक छुट्याइदियो । तर, यसअघि लगातार तीन जित निकालेको चेल्सीमाथि सिटीले योभन्दा सहज जित हात पार्न सक्थ्यो ।

चेल्सीसँग सिटीको बदला

गत सिजन सिटीको चेल्सीविरुद्ध सबैभन्दा पीडादायी हार पोर्टोमा भएको थियो । जसलाई अबुधाबीले सन् २००८ मा स्वामित्व लिएपछि पहिलोपल्ट च्याम्पियन्स लिगको उपाधि जित्नबाट वञ्चित गरिदिएको थियो ।

पछिल्लोपल्ट गत मेमा भएको भेटमा होल्डिङ मिडफिल्डरबिना टिमलाई उतार्ने पेप ग्वार्डिओलाको निर्णयको खुबै आलोचना भएको थियो । त्यो गल्तीलाई फेरि प्रतिस्पर्धामा फर्कंदा रोड्रीमार्फत् सुधार गर्ने प्रयास गर्दै ग्वार्डिओलाको टिम बल पोसेसनमा पूर्णतः हाबी भयो । तर, सिटीको यस्तो वर्चस्वमा पनि फेरि राम्रो गोलकर्ताको अभाव खड्कियो । ग्वार्डिओलाले चेल्सीका रोमेलु लुकाकु वा म्यानचेस्टर युनाइटेडका क्रिस्टियानो रोनाल्डोजस्ता बक्स (पेनाल्टी क्षेत्र) मा खेलको निर्णय गर्न सक्ने हतियार नभएकामा शुक्रबार पश्चाताप गरेका थिए ।

तैपनि सिटीले राम्रो टिममा केभिन डी ब्रुयन, फिल फोडेन, ज्याक ग्रेलिस र बर्नार्डो सिल्भालाई पहिलो रोजाइमा राख्दै समग्रमा सबैलाई अवसर दिएर खेलाए । धैर्य भएको सिटी पहिलो हाफमै अग्रता नजिक पुगेको थियो । रोड्रीले गोलकिपर एडुवार्ड मेन्डीको परीक्षण गरे । तर, त्यसमा बेल्जियन डे ब्रुयनले बल बाहिर प्रहार गरिदिए । सर्जियो अग्युरो गएपछि उनको स्थानमा यो सिजन जेससलाई खेलाइएको छ ।

ब्राजिलियन खेलाडीले पहिलो हाफमै सिटीको सबैभन्दा राम्रो अवसर पाएका थिए । तर, सिल्भाको क्रसमा उनको प्रहार पोस्टभन्दा टाढा गयो । तर, जस्तोसुकै भए पनि सिटीको प्रदर्शन योग्य अग्रता दिलाउने काम जेससले ५३ औं मिनेटमा गरे । उनले प्रहार गरेको बल जोर्गिन्होसँग डिफ्लेक्ट हुँदै मेन्डीलाई उछिनेर गोलमा परिणत भयो । थोमस टचेल चेल्सीको प्रशिक्षक भएयता प्रिमियर लिगका २५ खेलमा उनको टिमले बेहोरेको १५ औं गोल हो त्यो ।

गोल स्कोररका लागि भन्दा पनि ग्रेलिसमाथि गत समरमा सिटीले १० करोड पाउन्ड लगानी गरेकोमा प्रश्न तेर्सियो । तर, मध्यान्तरपछि इंग्ल्यान्डका अन्तर्राष्ट्रिय खेलाडीले एकपल्ट सनसनीपूर्ण प्रहार गरे, जसलाई मेन्डीले रोकिदिए । उनको अर्को उत्कृष्ट प्रदर्शनमा थियागो सिल्भाले बल गोललाइनबाट क्लियर गरिदिए । टचेलले पोर्टोको एकमात्र गोलकर्ता काई हार्भटेजलाई उतारे पनि उनी लुकाकुसँग सहकार्य गर्दा अफसाइड भइदिए । सिटीले निरन्तर अवसर सिर्जना गर्‍यो । यस्तो फेरि एकपल्ट ग्रेलिसलाई मेन्डीले असफल पारिदिए ।

सिटीलाई अर्को फाइदा के पनि भयो भने म्यानचेस्टर युनाइटेडलाई एस्टन भिल्लाले १–० ले स्तब्ध पार्‍यो । ग्वार्डिओलाको टिमले चेल्सी, युनाइटेड र शीर्षस्थानको लिभरपुलसँग समान १३ अंक बनायो ।

प्रकाशित : आश्विन १०, २०७८ ०७:०८
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?