तालिवानद्वारा क्रिकेट प्रमुख बर्खास्त- खेलकुद - कान्तिपुर समाचार

तालिवानद्वारा क्रिकेट प्रमुख बर्खास्त

एएफपी

काबुल — तालिवानले अफगानिस्तानी क्रिकेट बोर्डका प्रमुख हामिद सिनवारीलाई मंगलबार बर्खास्त गरेको छ । उनको स्थानमा नसिबुल्लाह हक्कानीलाई नियुक्त गरिएको छ । उनी हक्कानी समूहका सदस्य हुन् । अफगानिस्तानमा भएका अनेक आक्रमणका लागि हक्कानी समूह जिम्मेवार मानिन्छ । हक्कानी तालिवानकै एक समूह हो । 

सिनवारीले आफ्नो फेसबुकमा आफूलाई हटाएको लेखेका छन् । यसका लागि हक्कानी समूहका शीर्ष नेताले आदेश दिएको पनि बताएका छन् । उनले भनेका छन्, ‘अनास हक्कानीले क्रिकेट बोर्डमा भ्रमण गर्दै अबदेखि कार्यकाल सकिएको जानकारी दिए ।’ अनास हक्कानी तालिवानका उच्च नेता हुन् ।

उनी अफगानमन्त्री सिराजुद्दिन हक्कानीका कान्छा भाइ हुन् । सिनवारीले आफ्नो फेसबुकमा सन्देश छाडेयता त्यसलाई ‘डिएक्टिभ’ गरेका छन् । सिनवारीले आफूलाई लिखित रूपमा कुनै जानकारी भने प्राप्त नभएको जनाएका छन् । आफू निर्वाचित कार्यकारी प्रमुख भएको तर अहिले किन हटाइएको हो भनेर थाहा नभएको उनले बताएका छन् ।


प्रकाशित : आश्विन ६, २०७८ ०८:४३
प्रतिक्रिया
पठाउनुहोस्

देउवाले बोलाए पदाधिकारी बैठक

कान्तिपुर संवाददाता

काठमाडौँ — प्रधानमन्त्री एवं कांग्रेस सभापति शेरबहादुर देउवाले पार्टीका पदाधिकारी तथा पूर्वपदाधिकारीहरूको बैठक बोलाएका छन् । बैठकमा पार्टीको १४ औँ महाधिवेशन र मन्त्रिपरिषद् विस्तारका विषयमा छलफल हुने जनाइएको छ ।

देउवाका स्वकीय सचिव भानु देउवाले दिउँसो ३ बजे बूढानीलकण्ठमा बस्ने गरी बैठक बोलाइएको जानकारी दिए । देउवाले प्रधानमन्त्रीमा नियुक्त भएको ७२ दिनपछि बुधबार बल्ल एक जना मन्त्री थप्दै छन् ।

मंगलबार बेलुकी बसेको सत्ता गठबन्धनको बैठकले परराष्ट्रमन्त्री नियुक्त गर्ने र उक्त मन्त्रालय कांग्रेसले पाउने गरी सहमति जुटाएको थियो । स्रोतका अनुसार परराष्ट्रमन्त्रीमा प्रधानमन्त्री देउवाले आफ्नै विश्वासपात्र नारायण खड्कालाई नियुक्त गर्ने तयारी गरेका छन् । देउवाले मन्त्री छान्ने र गठबन्धन तथा पार्टीभित्रको भागबन्डाका विषयमा समेत छलफल गर्ने गरी बैठक बोलाएका हुन् ।

प्रकाशित : आश्विन ६, २०७८ ०८:३५
पूरा पढ्नुहोस्
प्रतिक्रिया
पठाउनुहोस्
×