भ्यालेन्सियाविरुद्ध रियल म्याड्रिडको पुनरागमन जित

भ्यालेन्सियाले ६६औं मिनेटमा ह्युगो डुरोको गोलले अग्रता लिएको थियो । रियलका लागि ८६औं मिनेटमा भिनिसियस जुनियरले पहिलो गोल फर्काए । त्यसपछि करिम बेन्जेमाले ८८औं मिनेटमा विजयी गोल गरे । यो सिजनमा बेन्जेमाको छैटौं गोल हो ।

यो जितपछि रियलको पाँच खेलबाट १३ अंक भएको छ । भ्यालेन्सिया भने १० अंकमा तेस्रो स्थानमा रहेको छ । आइतबारको अर्को प्रमुख खेलमा रियल सोसिडाडले सेभियासँग गोलरहित बराबरी खेल्यो ।