भ्यालेन्सियाविरुद्ध रियल म्याड्रिडको पुनरागमन जित
म्याड्रिड — रियल म्याड्रिडले अन्तिम चार मिनेटमा दुई गोल गर्दै स्पेनी ला लिगामा भ्यालेन्सियालाई २–१ ले हराएको छ । जितसँगै रियल अंकतालिकाको शीर्ष स्थानमा उक्लिएको छ ।
भ्यालेन्सियाले ६६औं मिनेटमा ह्युगो डुरोको गोलले अग्रता लिएको थियो । रियलका लागि ८६औं मिनेटमा भिनिसियस जुनियरले पहिलो गोल फर्काए । त्यसपछि करिम बेन्जेमाले ८८औं मिनेटमा विजयी गोल गरे । यो सिजनमा बेन्जेमाको छैटौं गोल हो ।
यो जितपछि रियलको पाँच खेलबाट १३ अंक भएको छ । भ्यालेन्सिया भने १० अंकमा तेस्रो स्थानमा रहेको छ । आइतबारको अर्को प्रमुख खेलमा रियल सोसिडाडले सेभियासँग गोलरहित बराबरी खेल्यो ।
प्रकाशित : आश्विन ४, २०७८ ०७:२९