बोलोग्नामाथि इन्टरको ६ गोल
मिलान — एडिन जेकोले दुई गोलको मद्दतले इन्टर मिलानले इटालीको सिरी ए मा शनिबार बोलोग्नालाई ६–१ ले हराएको छ । लउटारो मार्टिनेजको गोलले अग्रता लिएको इन्टर यस सिजन अपराजित रहेको छ ।
टिमका प्रमुख खेलाडी रोमेलु लुकाकुलाई गुमाएको इन्टरले प्रशिक्षक सिमोन इन्जाघीको नेतृत्वमा आफ्नो सुखद सुरुआत कायम राखेको छ । इन्टर अंक तालिकाको शीर्ष स्थानमा छ ।
इन्टरको चार खेलबाट १० अंक भएको छ । सुरुआती चार खेलमा १६ गोल गरेको इन्टरले सन् १९६०–१९६१ यता सबैभन्दा उत्कृष्ट सुरुआत लिएको छ ।
प्रकाशित : आश्विन ३, २०७८ ०७:३६प्रतिक्रिया