लेस्टर र नेपोलीबीच बराबरी- खेलकुद - कान्तिपुर समाचार

लेस्टर र नेपोलीबीच बराबरी

एजेन्सी

पेरिस — युरोपा लिगमा इंग्लिस प्रिमियर लिग क्लब लेस्टर सिटीले बिहीबार नेपोलीसँग २–२ को रोमाञ्चक बराबरी खेलेको छ । लेस्टरले दुई गोलको अग्रता लिएर पनि अन्तत: बराबरीमा चित्त बुझाउनुपरेको हो ।

किंग्स पावर स्टेडियममा भएको खेलमा आयोज पेरेज र हार्भी ब्रान्सको गोलमा लेस्टरले अग्रता लिएको थियो । दोस्रो हाफमा नेपोलीका लागि भिक्टर ओसिमहेनले दुई गोल गरे ।

प्रतियोगिताका अन्य प्रमुख खेलमा रियल बेटिसले सेल्टिकलाई ४–३, वेस्ट ह्यामले डायनामो जागरेभलाई २–०, लियोनले रेन्जर्सलाई २–० र गालातासारेले लाजियोलाई १–० ले हराए ।


प्रकाशित : आश्विन १, २०७८ ०७:११
प्रतिक्रिया
पठाउनुहोस्

लिड्सलाई लिभरपुलले ३-० ले हरायो

एजेन्सी

लिड्स — मोहम्मद सलाहले इंग्लिस माथिल्लो डिभिजनमा गरेको सयौं गोलमा लिभरपुलले लिड्समाथि आइतबार ३–० को शानदार जित निलेको छ । यस जितसँगै प्रिमियर लिग उपाधि होडमा लिभरपुलले आफूलाई कायम राखेको छ ।

लिभरपुलको जितमा इजिप्टका फरवार्डले पहिलो गोल गरेपछि फाबिनो र साडियो मानले एक-एक गोल थपे । लिग तालिकामा चार चरण समाप्त हुने क्रममा तीन टिम समान १० अंकमा अगाडि रहेका छन् ।

लिभरपुलसँगै म्यानचेस्टर युनाइटेड र चेल्सीको १० अंक रहेको छ । डिफेन्डिङ च्याम्पियन म्यानचेस्टर सिटीको नौ अंकसहित चौथो स्थानमा रहेको छ ।

प्रकाशित : भाद्र २८, २०७८ ०७:३९
पूरा पढ्नुहोस्
प्रतिक्रिया
पठाउनुहोस्
×