एभरटनको अपराजित यात्रा कायम

तर त्यसपछि एभरटनले ६ मिनेटको अन्तरमा तीन गोल गरेको थियो । व्यवस्थापकका रूपमा राफेल बेनिटेज आएयता एभरटनले यो बलियो सुरुआत लिएको हो । माइकल केनले हेडबाट बराबरी गोल गरेयता बेनिटेजले अनुबन्ध गरेका दुई नयाँ खेलाडी एन्ड्रोस टावनसेन्ड र डामराई ग्रेले एक–एक गोल गरे ।

यो जितपछि ‘टोफिज’ को १० अंक भएको छ । समान अंकमा छिमेकी लिभरपुल, चेल्सी र म्यानचेस्टर युनाइटेड रहेका छन् । लिभरपुलसँग आबद्धताको इतिहासका कारण एभरटनका समर्थक बेनिटेजको नियुक्तिमा खुसी थिएनन् । तर अब उनका आलोचक कम हुन थालेका छन् ।