सान्चो म्यानचेस्टर युनाइटेडमा- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

सान्चो म्यानचेस्टर युनाइटेडमा

एजेन्सी

लन्डन — इंग्लिस विन्गर जाडोन सान्चोले शुक्रबार म्यानचेस्टर युनाइटेडसँगको अनुबन्ध पूरा गरेका छन् । उनी बोरुसिया डर्टमुन्डबाट सात करोड ३० लाख युरोपमा म्यानचेस्टर आएका हुन् ।

उनले यो अनुबन्धलाई आफ्नो सपना पूरा भएको उपलब्धिका रूपमा प्रतिक्रिया दिएका छन् । म्यानचेस्टरकै कप्तान ह्यारी म्यागुएरपछि उनी इंग्ल्यान्डका सर्वाधिक महँगा खेलाडी पनि भएका छन् ।

सान्चोले पाँच वर्षको अनुबन्ध गरेका छन् र यसक्रममा २१ वर्षीय विन्गरले भनेका छन्, ‘म इंग्लिस प्रिमियर लिगमा खेल्न निकै आतुर छु र हामी सबै मिलेर बलियो टिम बनाउन सक्छौं ।’


प्रकाशित : श्रावण ८, २०७८ १९:२०
प्रतिक्रिया
पठाउनुहोस्

बार्टीले जितिन् विम्बल्डन

एजेन्सी

लन्डन — विश्व नम्बर १ अस्ट्रेलियाली खेलाडी एस्ली बार्टीले शनिबार विम्बल्डनको महिला एकलको उपाधि जितेकी छन् । यसका लागि उनले चेक गणतन्त्रकी क्यारोलिन प्लिस्कोभालाई ६–३, ६–७ (४/७) र ६–३ ले पराजित गरिन् ।

अल इंग्ल्यान्ड क्लबमा भएको उपाधि भिडन्तमा २५ वर्षीया बार्टीले पहिलो सेट सजिलै जितेकी थिइन् । तर दोस्रो सेटमा भने कडा प्रतिस्पर्धा भएको थियो र त्यसमा २९ वर्षीया प्लिस्कोभाले कडा चुनौती पेस गरिन् । यस्तोमा सेट टाइब्रेकरमा गएको थियो ।

तेस्रो सेटमा बार्टी फेरि लयमा फर्किन र यसलाई आफ्नो पक्षमा पारिन् । बार्टीले जितेको यो दोस्रो ग्रान्ड स्लाम उपाधि हो । यसअघि उनले सन् २०१९ मा फ्रेन्च ओपन जितेकी थिइन् ।

प्लिसकोभा भने कुनै पनि ग्रान्ड स्लामको फाइनल पुगेको यो दोस्रो पल्ट हो । यसअघि उनी सन् २०१६ को यूएस ओपन फाइनलमा पनि पराजित भएकी थिइन् ।

प्रकाशित : असार २६, २०७८ २१:१९
पूरा पढ्नुहोस्
प्रतिक्रिया
पठाउनुहोस्
×