चोटका कारण डी जोङ युरो-२०२० बाट बाहिरिए
एम्स्टर्डम — नेदरल्यान्ड्सका स्ट्राइकर लुक डी जोङका लागि युरो २०२० को यात्रा सकिएको छ । डच फुटबल संघका अनुसार मंगलबार टिम अभ्यासका क्रममा उनको घुँडामा चोट लागेको छ ।
उनले टिमको ट्रेनिङ क्याम्प पनि छाडेका छन् । सेभियाका फरवार्डले नेदरल्यान्ड्सका लागि ३८ पल्ट खेलेका छन् ।
समूह ‘सी’ को अहिलेसम्म नेदरल्यान्ड्स खेलेका कुनै पनि खेलमा सुरुदेखि खेल्न पाएका थिएनन् । त्यसमध्ये अन्तिम दुई खेलमा भने उनी सब्स्टिच्युटका रूपमा मैदान छिरेका थिए । नेदरल्यान्ड्स लिग चरणका सबै खेलमा भने विजयी छ । समूहको शीर्षस्थानमा रहेर अन्तिम १६ मा पुगेको छ ।
प्रकाशित : असार १०, २०७८ ०८:१८प्रतिक्रिया