हंगेरीले फ्रान्सलाई बराबरीमा रोक्यो

फ्रेन्क पुस्कास रंगशालामा ६७ हजार दर्शक अगाडि भएको खेलमा हंगेरीले पहिलो हाफको इन्ज्युरी समयमा अग्रता लिएको थियो । एटिला फिओलाले सुन्दर गोल गरेका हुन् । फ्रान्सले ६६ औं मिनेटमा बराबरी गोल फर्काएको थियो । एन्टोन ग्रिजमनले नजिकको दूरीबाट शक्तिशाली प्रहारमा गोल गरे ।

यो नतिजापछि फ्रान्सको दुई खेलबाट चार अंक भएको छ । फ्रान्सले आफ्नो पहिलो खेलमा जर्मनीलाई हराएको थियो । हंगेरी भने डिफेन्डिङ च्याम्पियन पोर्चुगलको हातबाट पराजित भएको थियो । पोर्चुगलको ३ अंक रहेको छ भने जर्मनी बिना कुनै अंक अन्तिम स्थानमा रहेको छ ।