कुवेत र जोर्डन एसिया कप छनोटको तेस्रो चरणमा

गोल अन्तरले कुवेत दोस्रो र जोर्डन तेस्रो स्थानमा रह्यो । उनीहरू दुवै विश्वकप छनोटको तेस्रो चरण पुग्न भने असफल रहे । अस्ट्रेलियाले जोर्डनलाई १–० ले हरायो भने कुवेतले चिनियाँ ताइपेईमाथि २–१ को जित निकाल्यो ।

अस्ट्रेलिया यसअघि नै एसिया कपमा छनोट भइसकेको छ । यस्तै उसले विश्वकप छनोट तेस्रो चरण पनि खेल्नेछ । समूहको दोस्रो स्थानमा रहेका उत्कृष्ट पाँच टिममा चीन, इराक ओमान, भियतनाम र लेवनान रहे ।

दोस्रो चरणको छनोटको आ–आफ्नो समूहमा अस्ट्रेलियासँगै सिरिया, इरान, साउदी अरेबिया, कतार, जापान, यूएई र दक्षिण कोरिया शीर्ष स्थानमा रहे ।

दोस्रो चरण छनोटको अन्तिम दिनका अन्य खेलमा चीनले सिरियालाई ३–१, बहराइनले हङकङलाई ४–०, इरानले इराकलाई १–०, प्यालेस्टाइनले यमनलाई ३–०, साउदी अरबले उज्वेकिस्तानलाई ३–० र ओमानले बंगलादेशलाई १–० ले हराए । फिलिपिन्स र माल्दिभ्स तथा भारत र अफगानिस्तानले समान १–१ को बराबरी खेले ।