वेल्स र स्विटजरल्यान्डबीच १–१ को बराबरी
बाकु — वेल्स र स्विटजरल्यान्डबीच युरो २०२० समूह ‘ए’ को खेल शनिबार १–१ को बराबरीमा टुंगेको छ । खेलका दुवै गोल दोस्रो हाफमा सम्भव भएका हुन् । स्विटजरल्यान्डले ब्रिल इम्बोलोको गोलले ४९ औं मिनेटमा अग्रता लिएको हो ।
जारडन साकिरीको कर्नरमा इम्बोलोले हेडबाट गोल गरेका हुन् । वेल्सका लागि किफर मुरले ७४ औं मिनेटमा बराबरी गोल फर्काए । उनले पनि हेडबाट गोल गरेका हुन् ।
खेल सकिन पाँच मिनेट अगाडि स्विटजरल्यान्डका लागि मारियो गाभरानोभिचले बललाई पोस्टका दिशा दिए पनि ‘भार’ ले त्यसलाई मान्यता दिए र अफ साइडको निर्णय दिएको थियो ।
तस्बिर : रोयटर्स
यो नतिजापछि दुवै टिमलै एक/एक अंक बटुले र समूहको मध्यभागमा रहे । यो समूहमा इटली तीन अंकसहित शीर्ष स्थानमा छ । उसले प्रतियोगिताको उद्घाटन खेलमा टर्कीलाई हराएको थियो । टर्की भने शून्य अंकमा अन्तिम स्थानमा रह्यो ।
प्रकाशित : जेष्ठ २९, २०७८ २०:५६