वेल्स र स्विटजरल्यान्डबीच १–१ को बराबरी- खेलकुद - कान्तिपुर समाचार

वेल्स र स्विटजरल्यान्डबीच १–१ को बराबरी

एजेन्सी

बाकु — वेल्स र स्विटजरल्यान्डबीच युरो २०२० समूह ‘ए’ को खेल शनिबार १–१ को बराबरीमा टुंगेको छ । खेलका दुवै गोल दोस्रो हाफमा सम्भव भएका हुन् । स्विटजरल्यान्डले ब्रिल इम्बोलोको गोलले ४९ औं मिनेटमा अग्रता लिएको हो ।

तस्बिर : रोयटर्स

जारडन साकिरीको कर्नरमा इम्बोलोले हेडबाट गोल गरेका हुन् । वेल्सका लागि किफर मुरले ७४ औं मिनेटमा बराबरी गोल फर्काए । उनले पनि हेडबाट गोल गरेका हुन् ।

खेल सकिन पाँच मिनेट अगाडि स्विटजरल्यान्डका लागि मारियो गाभरानोभिचले बललाई पोस्टका दिशा दिए पनि ‘भार’ ले त्यसलाई मान्यता दिए र अफ साइडको निर्णय दिएको थियो ।

तस्बिर : रोयटर्स

यो नतिजापछि दुवै टिमलै एक/एक अंक बटुले र समूहको मध्यभागमा रहे । यो समूहमा इटली तीन अंकसहित शीर्ष स्थानमा छ । उसले प्रतियोगिताको उद्घाटन खेलमा टर्कीलाई हराएको थियो । टर्की भने शून्य अंकमा अन्तिम स्थानमा रह्यो ।

प्रकाशित : जेष्ठ २९, २०७८ २०:५६
प्रतिक्रिया
पठाउनुहोस्

श्रीमतीलाई एसिड प्रहार गर्ने श्रीमान पक्राउ

शिव पुरी

रौतहट — घरायसी झगडाका कारणका आफ्नै श्रीमतीलाई एसिड प्रहार गरेको आरोपमा प्रहरीले यहाँका एक सुनचाँदी व्यवसायीलाई शनिबार साँझ पक्राउ गरेको छ । एसिड प्रहारबाट घाइते ती महिलाको स्थानीय एपोलो अस्पतालमा उपचार भइरहेको छ ।  

चन्द्रपुर ४ स्थित मनिषा सुनचाँदी पसलका सञ्चालक दिपक विकले श्रीमती दिपिकालाई एसिड प्रहार गरेका हुन् । दिपिकाको पाखुरा र पेटमा एसिडले घाउ भएको छ । घाइते दिपिकाको अवस्था ठीक रहेको अस्पतालका चिकित्सक एके यादवले बताए । ‘घाइतेको अनुहारमा एसिड परेको छैन,’ उनले भने,‘शरीरको भागमा परेकोले अवस्था ठिक छ । उपचार हुँदै छ ।’

इलाका प्रहरी कार्यालय चन्द्रनिगाहपुरका डीएसपी लिलाराज लामिछानेले एसिड प्रहार गर्ने दिपकलाई पक्राउ गरी अनुसन्धान सुरु गरिएको बताए ।

चन्द्रनिगाहपुर चोकबाट केही पूर्व राजमार्गमै सुनचाँदी पसल सञ्चालन गर्दै आएका बिक दम्पतीको लामो समयदेखि झगडा हुँदै आएको चन्द्रनिगाहपुर प्रहरीले जनायो ।

प्रकाशित : जेष्ठ २९, २०७८ २०:४७
पूरा पढ्नुहोस्
प्रतिक्रिया
पठाउनुहोस्
×