इंग्ल्यान्ड-न्युजिल्यान्डबीचको दोस्रो टेस्ट : पहिलो दिनको खेल रोमाञ्चक- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

इंग्ल्यान्ड-न्युजिल्यान्डबीचको दोस्रो टेस्ट : पहिलो दिनको खेल रोमाञ्चक

एजेन्सी

एजबास्टन — इंग्ल्यान्ड र न्युजिल्यान्डबीचको दोस्रो टेस्टको पहिलो दिन बिहीबार ब्याटिङ र बलिलङ दुवैतर्फ रोमाञ्चक खेल भएको छ । रोरी बर्नसको आकर्षक ८१ रनको मदतले इंग्ल्यान्डको दिनको खेल समाप्त हुँदा सात विकेट गुमाएर २ सय ५८ रन बनाएको छ ।


डन लरेन्स ६७ रनमा नटआउट छन् र उनलाई १६ रन बनाएका मार्क उडले साथ दिइरहेका छन् । घरेलु १८ हजार दर्शक अगाडि इंग्ल्यान्डले एक समय १ सय ७६ रन बनाउँदा ६ विकेट गुमाइसकेको थियो ।

इंग्ल्यान्डको सुरुआत पनि खराब रह्यो र सुरुआती १३ रनमा तीन विकेट गुमाएको थियो । न्युजिल्यान्डका लागि ट्रेन्ट बोल्ट, म्याट हेनरी र अजाज पटेलले दुई दुई विकेट लिएका छन् ।

यस टेस्टसँगै जेम्स एन्डरसन इंग्ल्यान्डका सर्वाधिक टेस्ट खेल्ने खेलाडी भएका छन् । यो उनको कीर्तिमान १ सय ६२ औं टेस्ट रह्यो र उनले यसक्रममा एलिस्टर कुकलाई उछिने ।

प्रकाशित : जेष्ठ २८, २०७८ ०६:५५
प्रतिक्रिया
पठाउनुहोस्

मध्यरातमा कर्फ्युबीच भएको खेलमा जोकोभिचको जित

सेमिफाइनलमा नाडालको सामना गर्ने 
एजेन्सी

पेरिस — नोभाक जोकोभिचले फ्रेन्च ओपनको सेमिफाइनलमा राफेल नाडालको सामना गर्ने भएका छन् । उनले बुधबार मध्य राति कर्फ्युबीच सकिएको खेलमा इटालीका म्याटिओ बेरटिनीलाई ६–३, ६–२, ६–७ र ७–५ ले हराए ।

तस्बिर : रोयटर्स

खेल सुरु हुँदा खेल हेर्न पाँच हजार दर्शक थिए, तर राति ११ बजे पेरिसमा कर्फ्यु लाग्ने भएकोले दर्शकलाई घर जान खेल रोकिएको थियो । खेल समाप्त हुँदा कोर्टमा खेलाडी र खेल पदाधिकारीबाहेक अरू कोही थिएनन् ।

नाडालले भने डिएगो स्वार्जमनलाई ६–३, ४–६, ६–४ र ६–० ले हराए । यसअघि महिलातर्फ ग्रिसकी मारिया सकारी र चेक गणतन्त्रकी बारबोरा क्रेसिकोभाले सेमिफाइनल यात्रा तय गरेका थिए ।

सकारीले डिफेन्डिङ च्याम्पियन इगा स्वाटेकलाई ६–४ र ६–४ ले हराइन र पहिलो पल्ट ग्रान्ड स्लाम सेमिफाइनल पुगिन् । क्रेसिकोभाले भने अमेरिकी किशोर खेलाडी कोका गफलाई ७–६ र ६–३ ले पन्छाइन् ।

प्रकाशित : जेष्ठ २७, २०७८ ०७:३३
पूरा पढ्नुहोस्
प्रतिक्रिया
पठाउनुहोस्
×