ब्राजिलको जित, अर्जेन्टिना बराबरीमा रोकियो- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

ब्राजिलको जित, अर्जेन्टिना बराबरीमा रोकियो

एजेन्सी

मोन्टेभिडियो — नेयमारले एक गोल गर्दै अर्को गोलका लागि अवसर सिर्जना गरेपछि ब्राजिलले दक्षिण अमेरिकी विश्वकप छनोटमा बुधबार पाराग्वेलाई २–० ले हरायो ।

नेयमारले चौथो मिनेटमा गोलको खाता खोले भने लुकास पाक्वेटाले दोस्रो हाफको इन्जुरी समयमा दोस्रो गोल थपे । यो जितपछि ब्राजिल ६ खेलबाट १८ अंकसहित दस टिम सम्मिलत छनोटको शीर्ष स्थानमा छ ।

दोस्रो स्थानमा रहेको अर्जेन्टिना भने अर्को खेलमा कोलम्बियासँग २–२ को बराबरीमा रोकियो । अहिलेसम्म अपराजित अर्जेन्टिनाले ६ खेलमध्ये तीनवटामा बराबरी खेलिसकेको छ। अर्जेन्टिनाले दुई गोलको अग्रता लिए पनि त्यसलाई कायम राख्न सकेन ।

सुरुआती आठ मिनेटभित्र क्रिस्टियन रोमेरो र लियानड्रो पारेडेसले गोल गरेका थिए । लुइस मोरेलले कोलम्बियाका लागि पहिलो गोल गरेपछि म्यागुएल बोरजाले बराबरी गोल फर्काए । यस्तै भेनेजुएला र उरुग्वेले गोलरहित बराबरी खेले । अन्य खेलमा पेरुले इक्वेडरलाई २–१ ले हरायो भने चिली र बोलिभियाले १–१ को बराबरी खेले ।



प्रकाशित : जेष्ठ २६, २०७८ १०:१६
प्रतिक्रिया
पठाउनुहोस्

सिसिपास फ्रेन्च ओपनको सेमिफाइनलमा

एजेन्सी

पेरिस — ग्रिसका पाँचौं वरीयताका स्टेफानोस सिसिपासले रूसी खेलाडी डानिएल मेडभेडेलाई हराएर मंगलबार फ्रेन्च ओपनको सेमिफाइनल यात्रा तय गरेका छन् । क्ले कोर्टका विशेषज्ञ खेलाडी रहेका सिसिपास ६–३, ७–६ र ७–५ ले विजयी रहे ।

अब २२ वर्षीय सिसिपासले अन्तिम चारमा जर्मनीका एलेक्जान्डर जाभरेजको सामना गर्नेछन् । जाभरेभले अर्को खेलमा स्पेनका एलेक्जान्ड्रो डाभिडोभिचलाई ६–४, ६–१ र ६–१ ले हराए ।

महिलातर्फ अनास्टिसा पेभचेन्कोभा र तामारा जिडनसेक सेमिफाइनल प्रवेश गर्न सफल रहे । रूसी खेलाडी पेभचेन्कोभाले काजाकिस्तानकी एलेना रेबाकिनालाई ६–७, ६–२ र ९–७ ले हराइन् । यस्तै स्लाभेनियाकी जिडनसेकले स्पेनकी पउला बाडोसाविरुद्ध ७–५, ४–६ र ८–६ को जित निकालिन् ।


प्रकाशित : जेष्ठ २६, २०७८ ०७:०७
पूरा पढ्नुहोस्
प्रतिक्रिया
पठाउनुहोस्
×