मारियाको उत्साह- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

मारियाको उत्साह

एजेन्सी

पेरिस — फ्रेन्च ओपन टेनिसको चौथो चरणमा ग्रिसकी मारिया सक्कारीले अमेरिकी स्टार सोफिया केनिनलाई पराजित गरेकी छन् ।

फ्रेन्च ओपनमा अमेरिकी सोफिया केनिनविरुद्ध जित पाएपछि ग्रिसकी मारिया सक्कारी । तस्बिर : एपी

उनले चौथो वरीयताप्राप्त केनिनमाथि ६–१, ६–३ ले हराइन् । प्रतियोगिताबाट बाहिरिने केनिन शीर्ष वरीयताकी खेलाडी हुन् । उनी अक्टोबरमा रोलान्ड ग्यारोसकी उपविजेता हुन् ।

१७ औं वरीयताकी मारिया पहिलोपल्ट ग्रान्ड स्लामको क्वाटरफाइनलमा पुगेकी छन् । उनले यस वर्ष शीर्ष २० खेलाडीमाथि पाएको यो छैटौं जित हो । पुरुषतर्फ शीर्ष खेलाडी सर्बियाली नोभाक जोकोभिचले दुई सेटमा पछाडि परेर पनि खेल जितेका छन् । इटालीका १९ वर्षे लोरेन्जो मुसेतीले निर्णायक सेटमा चोटका कारण खेल छाडेका थिए । जतिखेर दुई गेम बाँकी थियो । पहिलो वरीयताका जोकोभिचले सुरुआती दुई सेट गुमाउँदै ६–७ (७), ६–७ (२), ६–१, ६–०, ४–० को नतिजा निकालेका थिए ।

पेरिसको रोलान्ड ग्यारोसमा जोकोभिच १५ औं पल्ट क्वाटरफाइनल पुगेका छन् । उनी लगातार दोस्रो वर्ष फ्रेन्च ओपन जित्ने अभियानमा छन् । १९ औं ग्रान्ड स्लाम जित्ने दाउमा उनी छन् । उनले अब नवौं वरीताका माटेओ बेरेटिनीसँग खेल्नेछन् । स्विस स्टार रोजर फेडेररले खेल छाडेका थिए । अमेरिकी टिनएजर कोको गौफ पनि सोझो सेटमा जित पाउँदै क्वाटफाइनल पुगेकी छन् ।

प्रकाशित : जेष्ठ २५, २०७८ ०७:०६
प्रतिक्रिया
पठाउनुहोस्

स्वास्थ्य अवस्थाका कारण फेडररले बीचमै छाडे फ्रेन्च ओपन

एजेन्सी

पेरिस — स्विस टेनिस खेलाडी रोजर फेडरर स्वास्थ्य अवस्थाका कारण बीचमै फ्रेन्च ओपन छाडेका छन् । चौथो चरणमा पुगिसकेका फेडररले आफ्नो स्वास्थ्य अवस्थालाई हेर्दै यो निर्णय लिएको बताएका छन् ।

तस्बिर : रोयटर्स

२० पटकका ग्रान्ड स्ल्याम च्याम्पियन उनले तेस्रो चरणमा डोमिनिक कोएफरसँगको प्रतिस्पर्धात्मक खेलपछि यो निर्णय लिएका हुन् ।

उनले आफ्नो घुँडाको २ पटक सर्जरी भएको र एक वर्ष आराम गरेको जानकारी दिँदै छिटो निको हुनका लागि आफ्नो टिमसँगको उक्त निर्णयमा पुगेको बताएका छन् । सोमबार उनले इटालीका मातेओ बेरेतिनीसँग खेल्ने तालिका थियो ।

२००९ को फ्रेन्च ओपन विजेता फेडररले गत वर्ष घुँडाको सर्जरी गराएका थिए । पेरिस आउनुअघिका १६ महिनामा उनले ३ खेल मात्र खेलेका थिए ।

प्रकाशित : जेष्ठ २४, २०७८ ०७:१७
पूरा पढ्नुहोस्
प्रतिक्रिया
पठाउनुहोस्
×