स्वास्थ्य अवस्थाका कारण फेडररले बीचमै छाडे फ्रेन्च ओपन- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

स्वास्थ्य अवस्थाका कारण फेडररले बीचमै छाडे फ्रेन्च ओपन

एजेन्सी

पेरिस — स्विस टेनिस खेलाडी रोजर फेडरर स्वास्थ्य अवस्थाका कारण बीचमै फ्रेन्च ओपन छाडेका छन् । चौथो चरणमा पुगिसकेका फेडररले आफ्नो स्वास्थ्य अवस्थालाई हेर्दै यो निर्णय लिएको बताएका छन् ।

तस्बिर : रोयटर्स

२० पटकका ग्रान्ड स्ल्याम च्याम्पियन उनले तेस्रो चरणमा डोमिनिक कोएफरसँगको प्रतिस्पर्धात्मक खेलपछि यो निर्णय लिएका हुन् ।

उनले आफ्नो घुँडाको २ पटक सर्जरी भएको र एक वर्ष आराम गरेको जानकारी दिँदै छिटो निको हुनका लागि आफ्नो टिमसँगको उक्त निर्णयमा पुगेको बताएका छन् । सोमबार उनले इटालीका मातेओ बेरेतिनीसँग खेल्ने तालिका थियो ।

२००९ को फ्रेन्च ओपन विजेता फेडररले गत वर्ष घुँडाको सर्जरी गराएका थिए । पेरिस आउनुअघिका १६ महिनामा उनले ३ खेल मात्र खेलेका थिए ।

प्रकाशित : जेष्ठ २४, २०७८ ०७:१७
प्रतिक्रिया
पठाउनुहोस्

रसफोर्डको पेनाल्टीमा इंग्ल्यान्ड विजयी

एजेन्सी

लन्डन — युरो २०२० अगाडिको आफ्नो अन्तिम मैत्रीपूर्ण खेलमा इंग्ल्यान्डले आइतबार रोमानियालाई १–० ले हराएको छ । खेलको ६८औं मिनेटमा मार्कस रसफोर्डले पेनाल्टीबाट निर्णायक गोल गरे । 

इंग्ल्यान्डको कप्तानी पनि रसफोर्डले नै गरेका छन् । यस क्रममा उनी २३ वर्ष १८ दिनको उमेरमा इंग्लिस फुटबल टिमको कप्तान हुने सबैभन्दा कान्छो खेलाडीसमेत बने ।

आइतबारकै अन्य प्रमुख खेलमा बेल्जियमले क्रोएसियालाई १–० र नेदरल्यान्ड्सले जर्जियालाई ३–० ले हराए ।

प्रकाशित : जेष्ठ २४, २०७८ ०७:१५
पूरा पढ्नुहोस्
प्रतिक्रिया
पठाउनुहोस्
×