फ्रन्टलाइनका स्वास्थ्यकर्मीमा जित समर्पित : अल्मुताइरी

नेपालले चिनियाँ ताइपेईमाथि २–० को प्रभावशाली जित निकालेको हो । कोभिड संक्रमण महामारीकै कारण नेपालले आफ्नो घरेलु मैदानमा हुनुपर्ने खेल खेल्न पाएको छैन । अहिले कुवेतमा खेलिरहेको छ ।

अल्मुताइरीले भर्चुअल पोस्ट म्याच कन्फ्रेन्समा भने, ‘चिनियाँ ताइपेईले पनि आज निकै राम्रो खेल्यो । खेल निकै महत्त्वपूर्ण थियो र यसमा विपक्षी टिमलाई आश्चर्यमा पार्न हामीले नेपाली टिममा केही परिवर्तन गरेका थियौं,’ उनले थपे, ‘खेल निकै प्रतिस्पर्धात्मक रह्यो र हाम्रो टिम उत्तिकै महत्त्वपूर्ण रह्यो ।’