चेल्सीको च्याम्पियन्स लिग सम्भावना बलियो- खेलकुद - कान्तिपुर समाचार

चेल्सीको च्याम्पियन्स लिग सम्भावना बलियो

एजेन्सी

लन्डन — चेल्सीले अर्को सिजन युरोपेली च्याम्पियन्स लिग खेल्ने सम्भावना बलियो बनाएको छ । यसका लागि उसले मंगलबारको खेलमा लेस्टर सिटीलाई २–१ ले हरायो ।

तस्बिर : रोयटर्स

चेल्सी तीन दिन अगाडि मात्र एफएकप फाइनलमा लेस्टरकै हाटबाट १–० ले पराजित भएको थियो ।

उसको जितमा एन्टोनिया रुडिगर र जोर्जिन्होले गोल गरे । केलेची इहेनाचाले लेस्टरका लागि एक गोल फर्काए । यो जितपछि चेल्सी तेस्रो स्थानमा उक्लेको छ । उसको ६७ अंक भएको छ । लेस्टर भने ६६ अंकमा चौथो स्थानमा छ ।

अब पाँचौं स्थानका लिरभपुलले बुधबार बर्नलीलाई हराएर लेस्टरलाई उछिन्न सक्नेछ । लिरभपुलको ६३ अंक छ । मंगलबारका अन्य खेलमा लिग च्याम्पियन भइसकेको म्यानचेस्टर सिटी ब्राइटनसँग २–१ ले पराजित रह्यो ।

ब्राइटनले उत्कृष्ट पुनरागमन गर्दै स खेलाडीमा सीमित सिटीलाई हराएको हो । यस्तै म्यानचेस्टर युनाइटेड र फुलहमले १–१ को बराबरी खेले भने लिड्स युनाइटेडले साउथह्याम्पटनलाई २–० ले पराजित गर्न सफल रह्यो ।

प्रकाशित : जेष्ठ ५, २०७८ ०६:२०
प्रतिक्रिया
पठाउनुहोस्

लमजुङ केन्द्रविन्दु भएर ५‍.८ रेक्टर स्केलको भूकम्प गयो

इकान्तिपुर डेस्क

काठमाडौँ — बुधबार बिहान लमजुङ केन्द्रविन्दु बनाएर भूकम्प गएको छ ।

बुधबार बिहान भूकम्प गएपछि लमजुङ सदरमुकाम बेंसीसहरमा घरबाहिर निस्किएका सर्वसाधारण । तस्बिर आश गुरुङ/कान्तिपुर

राष्ट्रिय भूकम्प मापन केन्द्रका अनुसार बुधबार बिहान ५ बजेर ४२ मिनेट जाँदा लमजुङको भुलभुले आसपास केन्द्रबिन्दु बनाएर ५.८ रेक्टर स्केलको भूकम्प गएको हो ।

भूकम्पको धक्का लमजुङका छिमेकी जिल्ला तनहुँ, गोरखा, कास्कीलगायत काठमाडौं उपत्यकामा समेत महसुस गरिएको थियो । यो धक्का २०७२ वैशाखको गोरखा भूकम्पकै परकम्प रहेको केन्द्रले जनाएको छ ।

भूकम्पबाट के कति क्षति भयो भन्ने जानकारी आएको छैन ।


प्रकाशित : जेष्ठ ५, २०७८ ०६:०४
पूरा पढ्नुहोस्
प्रतिक्रिया
पठाउनुहोस्
×