लेस्टरले जित्यो पहिलोपल्ट एफए कप- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

लेस्टरले जित्यो पहिलोपल्ट एफए कप

एएफपी

लन्डन — लेस्टर सिटीले शनिबार क्लब इतिहासको १ सय ३७ वर्षमा पहिलोपल्ट एफए कप जितेको छ । उसले यसका लागि २२ हजार दर्शक उपस्थित वेम्बली रंगशालामा चेल्सीलाई १–० ले हरायो ।

त्यसमा बेल्जियमका योरी टिलेमन्सले ६३ औं मिनेटमा उत्कृष्ट गोल गरे । यो कोरोना भाइरस संक्रमण महामारीको १४ महिनायता इंग्लिस खेलकुदमा सबैभन्दा बढी दर्शकको उपस्थिति हो ।

लेस्टरले पाँच वर्षअगाडि सनसनीपूर्ण रूपमा इंग्लिस प्रिमियर लिग जितेको थियो । अहिले पाँचौं पल्टको प्रयासमा एफए कप जित्न सफल रह्यो । लेस्टर यसअघि चारचोटि एफए कपको फाइनलमा पुगेको थियो । यसमध्ये अन्तिम अवसर ५२ वर्षअगाडि थियो ।

प्रकाशित : जेष्ठ २, २०७८ ०६:३२
प्रतिक्रिया
पठाउनुहोस्

सहयोग जुटाउन राजदूतहरुलाई परराष्ट्रमन्त्री ज्ञवालीको निर्देशन

कान्तिपुर संवाददाता

काठमाडौँ — कोरोना संक्रमणको दोस्रो लहरविरुद्ध लड्न अन्तर्राष्ट्रिय सहकार्य गरेर सहयोग उपलब्ध जुटाउन विदेशस्थित नेपाली नियोगका प्रमुखहरुलाई परराष्ट्रमन्त्री प्रदीपकुमार ज्ञवालीले निर्देशन दिएका छन् । भर्चुअल माध्यमबाट शनिबार निर्देशन दिएका हुन् । 

मन्त्रालयले वैशाख २३ मा सबै राजदूतावासहरुलाई संकटको समयमा सहयोग जुटाउन पत्राचार गरिसकेको थियो । यही सिलसिलामा मन्त्री ज्ञवालीले नेपाली राजदूतहरुलाई नै प्रत्यक्ष रूपमा निर्देशन दिएका हुन् । मुलुकमा अक्सिजन सिलिन्डरसहित अन्य स्वास्थ्य सामग्रीहरुको अभाव हुन थालेकाले सकेसम्म ती सामग्री सहयोगका लागि अन्तर्राष्ट्रिय सहकार्य गर्नुपर्ने मन्त्री ज्ञवालीले बताएका हुन् ।

प्रकाशित : जेष्ठ १, २०७८ २२:३४
पूरा पढ्नुहोस्
प्रतिक्रिया
पठाउनुहोस्
×