बार्सिलोना र एट्लेटिकोबीच बराबरी- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

बार्सिलोना र एट्लेटिकोबीच बराबरी

एजेन्सी

म्याड्रिड — स्पेनी ला लिगामा बार्सिलोना र एट्लेटिको म्याड्रिडबीचको बहुप्रतीक्षित खेल शनिबार गोलरहित बराबरीमा टुंगेको छ । यो नतिजापछि बार्सिलोनाले एट्लेटिकोलाई उछिनेर शीर्ष स्थान कब्जा गर्ने अवसर गुमाएको छ ।

एट्लेटिको ७७ अंकसहित शीर्ष स्थानमा छ भने बार्सिलोना दुई अंकको दूरीमा दोस्रोमा छ । एक खेल कम खेलेको रियल म्याड्रिड ७४ अंकसाथ तेस्रो स्थानमा छ ।

अब रियलले लिग उपाधिका लागि आफ्नो बलियो चुनौती पेस गर्न सक्नेछ । रियलले आइतबार सेभियाको सामना गर्नेछ र जितसँगै शीर्ष स्थान कब्जा गर्न सक्नेछ ।

डेपोर्टिभो एलाभेस र लेभान्टेले शनिबार नै २–२ को बराबरी खेले । यसअघि रियल सोसिडाडले एल्चेलाई २–० ले पराजित गर्‍यो । सोसिडाडले भने यो जितपछि पाँचौं स्थानमा उक्लेर अर्को सिजन युरोपमा खेल्ने सम्भावना कायम राख्यो ।

प्रकाशित : वैशाख २६, २०७८ ०६:४४
प्रतिक्रिया
पठाउनुहोस्

चेल्सीसँग हारेपछि सिटीले अझै कुर्नुपर्ने

एजेन्सी

लन्डन — इंग्लिस प्रिमियर लिग जित्न तीन अंक मात्र चाहिने म्यानचेस्टर सिटी शनिबार चेल्सीसँग घरेलु मैदानमा २–१ ले पराजित भएको छ । यो नतिजापछि सिटीले उपाधिका लागि अझै कुर्नुपर्ने भएको छ ।

रहिम स्टर्लिङको गोलले अग्रता लिए पनि सिटीले त्यसलाई जोगाउन सकेन । चेल्सीका लागि हाकिम जियेच र मार्कोस एलोन्सोले गोल गरे । सिटीका लागि सर्जियो एगुरो पेनाल्टीमा पनि गोल गर्न चुके ।

यो नतिजापछि सिटी ८० अंकमै कायम रह्यो । चेल्सीको भने ६४ अंकसाथ तेस्रो स्थानमा उक्लेको छ ।

शनिबारको अर्को खेलमा लिभरपुलले साउथह्याम्पटनलाई २–० ले हराउँदै शीर्ष चारको सम्भावना कायम राख्यो । लिभरपुलका लागि साडियो माने र थिएगो आलकान्ट्राले गोल गरे । यो जितपछि लिभरपुल ५७ अंकसाथ छैटौं स्थानमा पुगेको छ । यसअघि लिड्स युनाइटेडले इंग्लिस प्रिमियर लिगमा शनिबार टोटनहमलाई ३–१ ले हरायो । यो हारपछि टोटनहमको युरोपेली च्याम्पियन्स लिगमा छनोट हुने सम्भावना कमजोर भयो । टोटनहम ५६ अंकसहित सातौं स्थानमा झर्‍यो । यस्तै अर्को खेलमा क्रिस्टल प्यालेसले सेफिल्ड युनाइटेडलाई २–० ले हरायो ।


प्रकाशित : वैशाख २६, २०७८ ०६:३८
पूरा पढ्नुहोस्
प्रतिक्रिया
पठाउनुहोस्
×