टोटेनहमबाट मोउरिन्हो बर्खास्त
लन्डन — इंग्लिस प्रिमियर लिग क्लब टोटनहमले सोमबार आफ्ना व्यवस्थापक जोसे मोउरिन्होलाई बर्खास्त गरेको छ । क्लब सम्हालेको १७ महिनापछि पोर्चुगाली व्यवस्थापक बर्खास्तीमा परेका हुन् ।
सन् २०१९ मा मउरिन्होले मउरिसो पोचेटिनोको स्थान लिएका थिए । टिमको खराब लयपछि उनी बर्खास्तीमा परेको बताइएको छ । लिगमा सातौं स्थानमा रहेको टोटनहम हालै मात्र युरोपा लिगबाट पनि बाहिरिएको थियो ।
टोटनहमले मोउरिन्होसँग उनका सबै सहयोगीलाई पनि बर्खास्त गरेको छ । यो सिजन टोटनहमले लिगमा १० खेल गुमाइसकेको छ र उनको प्रशिक्षक खेल जीवनमा एकै सिजन यति धेरै खेल गुमाएको यो पहिलो पल्ट हो ।
प्रकाशित : वैशाख ६, २०७८ १६:४४