सिटीलाई हराएर चेल्सी एफए कपको फाइनलमा
लन्डन — चेल्सीले शनिबार म्यानचेस्टर सिटीलाई १–० ले हराएर एफए कपको फाइनल यात्रा तय गरेको छ । यससँगै सिटीको यस सिजन चार उपाधि जित्ने ऐतिहासिक सम्भावना समाप्त भएको छ ।
पछिल्लो मध्यसाता मात्र दुवै टिमले युरोपेली च्याम्पियन्स लिगको सेमिफाइनलमा स्थान बनाएका थिए । सिटीसामु अब इंग्लिस प्रिमियर लिग, च्याम्पियन्स लिग र लिग कप जित्ने सम्भावना कायम छ ।
चेल्सीको जितमा हाकिम जियेचले ५५औं मिनेटमा निर्णायक गोल गरे । अब चेल्सीले फाइनलमा लेस्टर सिटी र साउथह्याम्प्टनबीच हुने अर्को सेमिफाइनल विजेताको सामना गर्नेछ ।
त्यस्तै इंग्लिस प्रिमियर लिगमा सेफिल्ड युनाइटेड शनिबार उल्भ्सविरुद्धको खेलमा १–० ले पराजित भई रेलिगेसनमा परेको छ । उल्भ्सको जितमा विलियन जोसले गोल गरे ।
अर्को खेलमा न्युकासल युनाइटेडले वेस्ट ह्यामलाई ३–२ ले हरायो ।
प्रकाशित : वैशाख ५, २०७८ ०६:४८प्रतिक्रिया
