युरोपा लिग : म्यानचेस्टर र आर्सनल अन्तिम चारमा

सेमिफाइनलमा म्यानचेस्टरले रोमा र आर्सनलले भिल्लारियलको सामना गर्नेछन् । म्यानचेस्टरले अन्तिम आठको दोस्रो लेगमा ग्रेनेडालाई २–० ले हराउँदै समग्रमा ४–० को अग्रता लियो ।

म्यानचेस्टरले दोस्रो लेगमा प्राप्त गरेको जितमा एडिसन कभानीले एक गोल गरे । अर्को गोल आत्मघाती रह्यो । आर्सनलले भने स्लाभिया प्रागलाई ४–० ले हराउँदै समग्रमा ५–१ को ठोस अग्रता लियो ।

पहिलो लेग १–१ को बराबरीमा थियो । दोस्रो लेगमा आर्सनलका लागि एलेक्जान्डर लेकाजेटले दुई गोल गरे । यस्तै रोमाले आयाक्ससँग १–१ को बराबरी खेल्दै समग्रमा ३–२ ले अगाडि रह्यो । भिल्लारियलले डायनामो जागरेभलाई २–१ ले हराएर समग्रमा ३–१ ले अगाडि रह्यो ।