नेपाल सुपर लिग : पहिलो खेलमा काठमाडौं र ललितपुर भिड्ने [खेल तालिकासहित]- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

नेपाल सुपर लिग : पहिलो खेलमा काठमाडौं र ललितपुर भिड्ने [खेल तालिकासहित]

कान्तिपुर संवाददाता

काठमाडौँ — नेपाल स्पोर्टस म्यानेजमेन्टले वैशाख ११ देखि सुरु हुने फ्रान्चाज फुटबल नेपाल सुपर लिग (एनएसएल) को खेल तालिका सार्वजनिक गरेको छ ।

पहिलो खेलमा काठमाडौं रेजर्स र ललितपुर सिटी क्लब भिड्ने छन् । प्रतियोगिता दशरथ रंगशालामा हुनेछ र सुरुमा राउन्ड रोबिनको आधारमा खेल हुनेछन् ।

वैशाख २५ सम्म हुने प्रतियोगिताको लिग चरणको अन्त्यमा इलिमिनेटर पनि राखिएको छ । त्यस अनुसार सुरुमा शीर्ष दुई स्थानमा रहने टिमबीच खेल हुनेछ । लगतै तेस्रो र चौथो स्थानबीच खेल हुनेछ ।

त्यसमा विजयी टिमले शीर्ष दुई टिमबीचको खेलमा पराजितको सामना गर्नेछ । प्रतियोगितामा सात टिमको सहभागिता रहेको छ । त्यसमा काठमाडौं र ललितपुरसँगै विराटनगर सिटी एफसी, एफसी चितवन, धनगढी एफसी, पोखरा थन्डर्स र बुटवल लुम्बिनी एफसी रहेका छन् ।

यस्तो छ खेल तालिका :

प्रकाशित : चैत्र ३०, २०७७ १९:५९
प्रतिक्रिया
पठाउनुहोस्

चर्च ब्वाइज सी डिभिजन च्याम्पियन

कान्तिपुर संवाददाता

काठमाडौँ — चर्च ब्वाइजले सोमबार सहिद स्मारक लिग सी डिभिजनको उपाधि जितेको छ । जितसँगै चर्च ब्वाइज बी डिभिजनमा उक्लिन सफल रह्यो । 

तस्बिर : एन्फा


उसले अन्तिम लिग खेलमा झापा फुटबल क्लबलाई २–१ ले पराजित गर्‍यो । सातदोबाटोको एन्फा कम्प्लेक्समा भएको खेलमा चर्च ब्वाइजका लागि रिजन माझी र सोम थापाले गोल गरे । झापाका लागि श्यामुले एक गोल फर्काए ।

उपाधिसँगै चर्च ब्वाइजले १० लाख रुपैंया पनि हात पारेको छ । चर्च ब्वाइजसँगै वीरगञ्ज युनाइटेड क्लब र सामाजिक युवा क्लब पनि बी डिभिजनमा उक्लेका छन् । यस्तै, सानो गौचरण भने सी डिभिजनमा झरेको छ ।

प्रकाशित : चैत्र ३०, २०७७ १९:५४
पूरा पढ्नुहोस्
प्रतिक्रिया
पठाउनुहोस्
×