थ्री नेसन्स कप : नेपालविरुद्ध बंगलादेशले फर्कायो गोल, नेपाल २-१ बंगलादेश [अपडेट]
काठमाडौँ — दशरथ रंगशालामा नेपाल र बंगलादेशबीच भइरहेको फाइनल खेलमा बंगलादेशले पहिलो गोल गरेको छ । मध्यान्तर पछि भइरहेको खेलको ८३ औं मिनेटमा बंगलादेशका १० नम्बरका खेलाडीले गोल गरेका हुन् ।
मधयान्तर अघि नेपालले दुई गोल गरेको थियो । खेलको ४१ औं मिनेटमा नेपालका जर्सी नम्बर ८ का विशाल राईले सुन्दर गोल गरेका थिए भने खेलको १८ औं मिनेटमा नेपालका संजोग राईले गोल गरेका थिए ।
नेपालका लागि २४ नम्बरको जर्सी लगाएर खेलिरहेका राईले डी एरियामा पाएको बललाई सशक्त प्रहार गर्दै गोलमा परिणत गरेका थिए ।
साढे ५ बजेदेखि सुरु भएको खेल हेर्न प्रधानमन्त्री केपी ओली पनि रंगशाला गएका छन् ।
प्रतिक्रिया