इंग्लिस प्रिमियर लिग : म्यानचेस्टर सिटी १५ अंकले अगाडि
लन्डन — म्यानचेस्टर सिटीले इंग्लिस प्रिमियर लिगको शीर्ष स्थानमा १५ अंकको अग्रता बनाएको छ। सिटीले बुधबार उल्भ्सलाई ४–१ ले हराएको छ । यो जितसहित सिटीको २७ खेलबाट ६५ अंक भएको छ ।
सबैखाले प्रतियोगितामा सिटीको यो लगातार २१ औं जित हो र उसले डिसेम्बरयता लिगमा अधिकतम अंक जित्न सफल रहेको छ । उल्भ्सविरुद्ध भने सिटीले अन्तिम १० मिनेटमा तीन गोल गरेको थियो ।
खेल १–१ को बराबरी रहेको स्थितिमा ग्याब्रिएल जेससले दुई तथा रियाद मेहरेजले एक गोल गरे ।
प्रकाशित : फाल्गुन १९, २०७७ ०६:३८प्रतिक्रिया
