दुई मिलान क्लब चार अंकको दूरीमा- खेलकुद - कान्तिपुर समाचार

दुई मिलान क्लब चार अंकको दूरीमा

एजेन्सी

मिलान — इन्टर मिलानले इटालीको सिरी ए को शीर्ष स्थानमा आफ्नो चार अंकको अग्रता कायम राख्न आइतबार जेनोआलाई ३–० ले हराएको छ । त्यसमा रोमेलु लुकाकु, माटेओ डारमिन र एलेक्स सान्चेजले गोल गरे ।

अर्को खेलमा एसी मिलानले रोमालाई २–१ ले हरायो । इन्टरको ५६ अंक छ भने मिलानको ५२ अंक भएको छ । मिलानले फ्रान्क केसीको गोलले अग्रता लिएयता रोमाका तर्फबाट जोर्डन भेरेटटले बराबरी गोल फर्काए ।

दोस्रो हाफमा एन्टे रेबिचले निर्णायक गोल गरे । आइतबारका अन्य खेलमा चौथो स्थानमा उक्लनका लागि एटलान्टाले साम्पडोरियालाई २–० ले हरायो । यस्तै नेपोलीले बेनेभेन्टोलाई २–० ले पराजित गर्न गर्‍यो ।

प्रकाशित : फाल्गुन १७, २०७७ ०६:५०
प्रतिक्रिया
पठाउनुहोस्

चार हारपछि लिभरपुलको पहिलो जित

एजेन्सी

लन्डन — लिभरपुलले इंग्लिस प्रिमियर लिगमा लगातार चार हारको खराब प्रदर्शनपछि आइतबार सेफिल्ड युनाइटेडमाथि २–० को जित निकालेको छ । यस जितपछि लिभरपुल युरोपेली च्याम्पियन्स लिग छनोटबाट दुई अंकको दूरीमा पनि रहन सफल भयो ।

यो जितमा २० वर्षीय कर्टिस जोन्सले पहिलो गोल गरे भने दोस्रो गोल केन ब्रायन्सको नाममा आत्मघाती रह्यो । लिभरपुलले २६ खेलबाट ४३ अंक जोड्दै छैटौं स्थानमा रहेको छ ।

यसअघि म्यानचेस्टर युनाइटेडले चेल्सीसँग गोलरहित बराबरी खेलेको थियो । युनाइटेडले २६ खेलबाट ५० अंक बनाएको छ । दोस्रो स्थानको म्यानचेस्टर शीर्षको म्यानचेस्टर सिटीबाट १२ अंकले पछाडि छ ।

चेल्सी भने ४४ अंकसहित पाँचौं स्थानमा छ । आइतबारकै अर्को खेलमा टोटनहमले बर्नलीलाई सजिलै ४–० ले हरायो भने आर्सनल लेस्टर सिटीमाथि ३–१ ले विजयी रह्यो ।

प्रकाशित : फाल्गुन १७, २०७७ ०६:४९
पूरा पढ्नुहोस्
प्रतिक्रिया
पठाउनुहोस्
×